Matthew 18:5 - De Beebaa Dabu

⁵ Be goai e abodonu ange gi dahi gauligi damaa mee bee nei i hiidinga dogu ingoo, gai ia e abodonu mai donu gi de au.

Matthew 18:5 Iomraidhean Croise

Matthew 18:4

Deenei ai, be goai e lodo maolalo bei dagodo o tamaa gauligi nei, gai go ia e maolunga i de nohoanga hodooligi o de langi.

Matthew 18:6

Aagai be goai e haia ga haisala dahi dangada maolalo bee nei gi hagadonusia laa, gai e danuaa donu de nnoa ange dahi hadu mmili laumalie gi dono ua, ga tili ia gi lo te moana gelo.

Matthew 25:40

Gai de Hodooligi e hai ange naa gi gilaadeu, ‘Ni muna abodonu aagu e hai adu nei gi goodou, mee alodahi oodou ne hai ange gi dahi ogu daina maolalo nei, gai goodou ne hai mai donu gi de au!’

Matthew 25:45

Aagai ia e basa ange naa ga hai ange gi gilaadeu, ‘Ni muna abodonu aagu e hai adu nei gi goodou, mee alodahi oodou tee hai ange gi dahi gilaadeu e maolalo nei, gai goodou tee hai mai donu gi de au.’

Matthew 7:8

Go hiidinga tangada e dangidangi e maua naa donu ana mee, gai tangada e saalaa e gidee naa donu, gai tangada e dugidugia e hhuge ange naa donu de haitoga gi de ia.

Mark 9:37

“Be goai e abodonu ange gi dahi gauligi bei tamaa gauligi nei i hiidinga o dogu ingoo, gai ia e abodonu mai donu gi de au. Gai be goai e abodonu mai gi de au, gai ia e abodonu ange donu gi de ia ne haia nei au gi humai.”

Mark 9:41

Ni muna abodonu aagu e hai adu nei gi goodou, be goai e gaavadu gi goodou dahi ubu vai i dogu ingoo, i hiidinga goodou nii de Klisdo, gai ia e dee tili donu dono hagaoanga.

Luke 9:48

gai ia ga hai ange gi gilaadeu, “Be goai e abodonu ange gi tamaa gauligi nei i hiidinga dogu ingoo, e abodonu mai donu gi de au; gai be goai e abodonu mai gi de au, e abodonu ange donu gi de ia ne haia nei au gi humai. Go hiidinga be goai naa huu e maolalo i oodou magavaa alodahi gai go ia e maolunga.”

John 13:20

Ni muna abodonu, ni muna abodonu aagu e hai adu nei gi goodou, be goai e abodonu ange gi tangada aagu e hai gi humai e abodonu mai donu gi de au; gai be goai e abodonu mai gi de au e abodonu ange donu gi de ia ne haia ngau gi humai.”

Galatians 4:14

Gai e dee galemu donu dogu magi ne hai ga hai ngadaa goodou, aagai goodou tee kino donu aabe ne hagangadi mee au, aagai goodou ne hai au bei dagodo o dahi dangada de langi o de Maadua, gai e dagodo be go au donu go Klisdo Iesu.