Matthew 18:25 - De Beebaa Dabu

²⁵ Gai ia gu dee maua i de hagao ana muli, gai dono dangada aamua ga hagadaba bolo gi hagao ina ia gi daha madali dono bodu ma ana dama, aama ana mee alodahi, e hagao ai ana muli.

Matthew 18:25 Iomraidhean Croise

2 Kings 4:1

Gai de bodu o dahi daane mai i de hagabuulinga o denga pelaabisi ne humai ga dangi ange gi Elisha, ga hai ange, “Koe e iloo bolo doo dangada hai hegau, go dogu bodu, gu magau; gai ia se daane e madagu i Tagi Maolunga. Aagai tangada oona e muli ange aagena gu humai e kave luaagu dama e hai ai luoono dangada hai hegau, e hagao ai ana muli.”

Nehemiah 5:5

Gai gimaadeu e bei donu dagodo o omaadeu dangada, gai amaadeu dama e bei dagodo o alaadeu dama, aagai gimaadeu e hai amaadeu dama gi ni dangada hai hegau. Hanu amaadeu damaa hine gu lava donu i de hai gi ni dangada hai hegau dee ilaage, aagai gu deai donu amaadeu mee e mau i de hai, go hiidinga omaadeu alahenua ma amaadeu veelengaa grape gu niio hanu dangada gee.”

Nehemiah 5:8

ga hai ange, “Gidaadeu ne hai hegau ange ga hagao mai odaadeu dangada de gau Ssuu gu hagao ange laa gi de gau henua gee. Aagai iainei goodou gu hagao gi daha oodou dangada, gai gilaadeu ga aahe ange ga hagao mai gilaadeu gi gidaadeu?” Gai gilaadeu gu dee mmuu, gu deai donu alaadeu muna e maua i de tala.

Exodus 21:2

Noo koe e hagao dahi dangada Hebrew gi hai hegau adu gi de goe, gai ia gi hai hegau adu donu huu gi de goe i e ono ngadau, aagai de hidu ngadau naa huu gai ia gu ilaage, gai ia e dee hagao donu dono ilaage.

Exodus 22:3

aagai noo ne hai mee nei i de laangi, gai tangada ne daia laa ia ga magau e haisala donu i de hainga. Gai tangada ne gaiaa laa e suuia ange donu ana mee ne gaiaa laa, aagai noo ia e dee maua i de sui ange, gai ia e hagao gi daha e hagao ai ana mee gu gaiaa laa.

Isaiah 50:1

E hagadaba Tagi Maolunga, “I hee iai de beebaa maavae a doodou dinana, aagu ne gaavadu ga hai ai ia gi hano gee? Gai goai aagu ne hagao ange goodou aagena e hagao ai agu muli? Tilo, go hiidinga oodou haisala oodou ne hagao ai gi daha, gai go oodou haisala ne hidi mai ai de hano gee o doodou dinana.

Leviticus 25:39

“ ‘Noo dahi dangada Israel gu hagaau aloha, gai ia e humai koe gi hagao ina ia, e hai ai doo dangada hai hegau, gai koe aude hagahai hegau ina ia gi bei dagodo o tangada hai hegau e dee ilaage.

Matthew 18:24

Gai de masavaa huu aana ne daamada ai de hagaheohi alaadeu muli, gai gu gaamai gi ono daha dahi daane e muli ange i e dahisemada talent.

Luke 7:42

Gai gilaau tee maua i de hagao alaau muli, gai ia ga degi ange gi alaau muli. Gai goai naa i olaau magavaa e kii ange dono aloha i taane laa?”