Matthew 18:15 - De Beebaa Dabu

¹⁵ “Noo doo daina gu haisala adu gi de goe, aagai koe hannoo hagaagona ange ono haisala gi de ia i de masavaa e deai ai dangada i ooluu daha. Aagai noo ia gu hagallongo adu gi de goe, gai koe gu maua i de hagaahe mai doo daina.

Matthew 18:15 Iomraidhean Croise

Psalm 141:5

De hagaili a tangada heohi au, e bei donu dono abodonu mai; dana hagasee au, e bei donu de lolo e hagasulu ai laa dogu biho; gai au e dee hagaui gee ai donu. Gai au e duudagi naa donu de dalodalo e hai baasi ange ai gi dangada e haia de baubau.

Proverbs 11:30

Hua o de heohi go de manu somo o de mouli; gai tangada heiangi e maua e ia lodo o dangada.

Leviticus 19:17

Aude daohia doo lili i doo daina. Gai hagaseegina ia, gi dee dau adu ai ono haisala gi de goe.

Matthew 18:14

E bei ai hogi lodo o doodou Damana i de langi laa, ia e dee lodo donu gi magau dahi dangada maolalo bee nei.

Matthew 18:21

Aagai Peter ne humai ga ssili ange gi Iesu, “Tagi Maolunga, e hia hanonga oogu e degi ange ai gi dogu daina, noo ia gu haisala mai gi de au, e hidu hanonga?”

Matthew 18:35

Aanei hogi hegau a dogu Damana i de langi e hai adu gi goodou, noo goodou e dee degi ange gi haisala o oodou daina i oodou lodo.”

Romans 12:21

Goodou gi dee dugua ange gi kii de baubau i goodou, aagai goodou haia gi kii tanuaa i de baubau.

1 Corinthians 8:12

Gai koe gu haisala ange donu gi oo daina i dau hai mee nei, ma de hagabaageaa tagi i olaadeu lodo, gai koe gu haisala ange donu hogi gi Klisdo.

2 Corinthians 7:12

Gai au ne sisi adu gi goodou, aagai e dee go hiidinga o tangada ne haia laa de hegau dee heohi, aabe go hiidinga o tangada ne hai ange de mee dee heohi laa aagena, aagai se hai e hagaago adu ai gi goodou i mada luu mada o de Maadua doodou aaloha i gimaadeu.

Galatians 6:1

Denga daina, noo dahi dangada gu haisala, aagai goodou gu maatua abodonu laa i de hagasaalunga gi balea ange gi hagaahea mai ia i de lodo maolalo. Gai goodou dagidiiloo gi dee hagataalea hogi goodou.

Colossians 3:13

Goodou gi hagadau golomagi ina oodou lodo, ma de hagadau degi ange gi haisala o dahi ma dahi, bei de hai a Tagi Maolunga ne degi adu ai laa gi oodou haisala.

1 Thessalonians 4:6

Gai gi deai se goodou e haisala ange gi dono daina i de mee nei, go hiidinga Tagi Maolunga e hagao ange donu tangada e haia mee nei hugadoo, bei de hai amaadeu gu tala adu ai gi goodou, aama de agoago adu ai goodou i mua.

2 Thessalonians 3:15

Aagai goodou gi dee haia ia gi se hagadaumee niiodou, aagai goodou hagakana ange ina ia bei dagodo o dahi daina.

Titus 3:10

Gai koe hagakana ina tangada e haia gi dee heloongoi magavaa o dangada i e lua hanonga, aagai koe gi dee hagabuni ange gi de ia.

1 Peter 3:1

E bei ai hogi, denga haahine dau bodu, goodou hagadubu ina oodou bodu. Gai noo hanu gilaadeu tigi hagadonusia muna a de Maadua, gai gilaadeu e gaavee naa olaadeu lodo i hiidinga dahulinga danuaa a olaadeu bodu, e dee go alaadeu muna e tala,