Matthew 17:5 - De Beebaa Dabu

⁵ De masavaa o Peter e basa ai, gai tilo, dahi giliiga maalama gu haoli gilaadeu, gai dahi leo mai i lo te giliiga laa ga hagadaba, “Deenei dagu Dama Daane hagamogomogo, au e malangilangi i de ia. Goodou hagalaangona ana muna!”

Matthew 17:5 Iomraidhean Croise

De Beebaa go Job 38:1

Gai Tagi Maolunga ne basa mai gi a Job i lo te sio, ga hai ange:

Psalm 81:7

Koe ne hagahi mai au i doo duasala, gai au ne hagaola goe; au ne basa adu gi de goe mai i lo te hagausinga o de hatuli, gai au ne hagatale oo dagodo i de vai go Meribah. Selah

Exodus 19:19

Gai ga kona huu de nganangana de ili o de hanga manu. Gai Moses ga basa, gai de Maadua ne basa ange gi de ia.

Isaiah 42:1

Tilo, deenei dogu dangada hai hegau, go ia aagu e bale ange; go ia aagu gu hili, gai go ia oogu e malangilangi ai. Au gu hai dogu Hagasaalunga gi hano iho gi ono elunga; gai ia ga hagamodu ai muna o denga huaahenua i de heohi.

Isaiah 42:21

Tagi Maolunga ne malangilangi i de hai ana hainga gi maolunga ma de mahamaha, i hiidinga ia e heohi.

Matthew 12:18

“Deenei dogu dangada hai hegau go au ne hilia ia, au e aloha i de ia ma de malangilangi i de ia. Au e gaavange naa gi de ia dogu Hagasaalunga, gai ia ga agoago ange ai denga Gentile dagodo o dagu hagamodu heohi.

Matthew 17:6

Gai ga langona huu e ana dangada agoago muna laa, gai gilaadeu gu maatagu mmao, gai gilaadeu ga ino olaadeu mada gi honga de gelegele.

Matthew 3:17

Gai tilo, de leo mai i de langi ne hagadaba, “Deenei dagu Dama Daane hagamogomogo, au e malangilangi i de ia.”

Mark 1:11

Gai dahi leo gu basa mai i de langi ga hagadaba, “Go koe dagu Dama Daane hagamogomogo, au e malangilangi i de goe.”

Mark 9:7

Gai dahi giliiga gu hano iho ga haoli gilaadeu, gai dahi leo mai i lo te giliiga laa ga hagadaba, “Deenei dagu Dama Daane hagamogomogo; goodou hagalaangona ana muna!”

Luke 3:22

gai de Hagasaalunga Dabu gu hano iho gi ono elunga e hagadulagi ange gi de manu kono. Gai gu basa iho hogi de leo i de langi ga hai ange, “Go koe dagu Dama Daane hagamogomogo; au e malangilangi i de goe.”

John 3:16

“Gai de Maadua ne aloha mmao i henua i lalo, deelaa ai aana ne gaamai ai laa dana Dama Daane dagidahi, gai be goai e hagadonusia gai ia e dee magau donu, aagai e maua de mouli e dee ngado mai.

John 3:35

Tamana e aloha i dana Dama Daane, gai gu dugu ange mee alodahi gi de ia.

John 5:37

Gai Tamana ne haia nei au gi humai gu tala hagadonu hogi ogu dagodo. Aagai tigi ai donu soodou langona dono leo, aabe gu gidee ono hoolinga,

Acts 1:9

Dua huu dana tala ange muna laa gi gilaadeu, gai ia gu gaavage gi de langi, i de masavaa alaadeu e daumada ai ia, gai de giliiga ne haoli ia gu dee gidee.

Acts 7:37

Deenei de Moses ne hai ange laa gi de gau Israel, ‘De Maadua e hagasula age naa dahi pelaabisi moodou bei ogu dagodo.’

Ephesians 1:6

gai gidaadeu ga tuhi ai de mahamaha o dono abodonu, ne ngadi gaamai laa gi gidaadeu i hiidinga o dana Dama Hagamogomogo.

Deuteronomy 18:15

Gai Tagi Maolunga doodou Maadua e hagasula age naa dahi pelaabisi bei ogu dagodo i oodou magavaa, ia se daina donu niiodou. Goodou hagallongo ange gi de ia.

Deuteronomy 18:19

Gai be goai naa huu e dee hagallongo mai gi agu muna a de pelaabisi laa e tala i dogu ingoo, gai au e dau ange naa donu mee nei gi de ia.

Deuteronomy 5:22

Aanei muna a Tagi Maolunga ne tala ange gi de hagabuulingaa dangada i gaogao de mounga, i de masavaa oona ne basa mai ai i lo te ahi ula i de leo mmahi, ma lo te hagausinga ma de gohu boo dangodango, gai teai ange ana muna ne hagapuni ange. Gai ia ne sisi ange muna nei gi honga e lua duu hadu baabaa ga gaamai ai gi de au.

Colossians 1:13

Ia ne hagaola gidaadeu mai i lalo ssauaa o de gohu ma gu hagaulu gidaadeu i de nohoanga hodooligi o dana Dama Daane hagamogomogo,

Hebrews 5:9

gai ga honu abodonu huu dono heohi, gai ia gu hai ai tagelo o de mouli e dee ngado ange gi dangada alodahi e hagallongo ange gi de ia,

Revelation 1:7

Tilo, ia e humai naa i honga denga giliiga. Gai dangada alodahi e gidee naa ia, ma gilaadeu donu hogi ne velosia laa ia; gai aamuli alodahi o henua i lalo e tangi naa i ono hiidinga. Gai mee nei e hai naa donu! Amen.

Revelation 14:14

Gai au ne galo age hogi gu gidee dahi giliiga tea, gai honga de giliiga laa e noho ai dahi e bei hoolinga o tangada, honga dono biho iai dahi hau goolo, gai ia e poo dahi kamaa kangi i dono lima.