Matthew 17:18 - De Beebaa Dabu

¹⁸ Gai Iesu ga hagasee de hagasaalunga baubau laa, gai de hagasaalunga baubau laa gu sao mai i ono daha, gai tama daane laa gu ieiangi i de masavaa laa donu huu.

Matthew 17:18 Iomraidhean Croise

Matthew 12:22

Dangada ne gaamai hogi gi Iesu dahi dangada dee gide ma de lau de alelo, go hiidinga de hagasaalunga baubau e noho i ono daha; gai Iesu ga hagaieiangi ia, gai taane laa gu basa ma de gidee.

Matthew 15:28

Aagai Iesu ga hai ange gi de hine laa, “De hine, doo gai e laumalie mmao! Gu hai donu gi bei dau dangidangi.” Aagai de hagasaalunga baubau gu hano gee i daho dana damaa hine i de masavaa laa donu huu.

Matthew 17:17

Gai Iesu ne basa ange ga hai ange, “Goodou se atangada e dee hagadonusia ma de baubau, dee hee maa taulooloa dogu noho i oodou daha? Gai dee hee maa taulooloa de golomagi ogu lodo i goodou? Dagina mai ia gi ogu daha.”

Matthew 17:19

Aagai de gau agoago ne loomai gi Iesu i de masavaa e deai ai dangada, ga ssili ange, “Gu aha tee maua ai laa e gimaadeu i de hai gi hano de hagasaalunga baubau laa?”

Matthew 9:22

Aagai Iesu ne huli dua ga gidee e ia de hine laa, gai ia ga hai ange, “Dagu damaa hine, hagamaamaane ina oo lodo, doo gai gu hagaieiangi goe.” De masavaa laa donu huu gai de hine laa gu ieiangi.

Mark 1:34

Gai Iesu ga hagaieiangi denga magi alodahi ma de hai gi hulo denga hagasaalunga baubau. Aagai ia tee dugu ange denga hagasaalunga baubau gi pasa, go hiidinga gilaadeu e iloo be go ia goai.

Mark 5:8

(Go hiidinga Iesu ne hai ange gi de hagasaalunga baubau laa, “Sao mai ma gi hano gee mai i daho taane nei!”)

Luke 4:41

Denga hagasaalunga baubau ne ssao hogi ga hulo gee mai i daho dangada soa, aagai gilaadeu ga hevaalogi ga hagataba, “Go koe donu Tama Daane a de Maadua!” Gai Iesu ga hagasee gilaadeu gi dee pasa, go hiidinga gilaadeu e iloo bolo ia go de Klisdo.

Luke 8:29

Go hiidinga Iesu ne hai ange gi denga hagasaalunga baubau laa gi ssao mai i daho taane laa. Gu lagolago hanonga a de hagasaalunga baubau ne hai ai gi de mahi ia, gai e dee galemu donu gu noonoa luoono vae ma luoono lima i daula baalanga ma de hagaloosi ange, aagai ia ga duuduu denga daula baalanga e nnoa ai laa ia, gai de hagasaalunga baubau ga kave ia gi de vao.

Luke 9:42

Gai de masavaa o tama daane laa e humai ai, gai de hagasaalunga baubau ga hagabaguu ia gi honga de gelegele ga hai ia gu lele age. Aagai Iesu ga hagasee de hagasaalunga baubau laa, ga hagaieiangi tama daane laa, ga hagaahe ange ia gi dono damana.

Acts 16:18

Gai ne lagolago laangi aana ne hai ai de hegau nei. Aagai a Paul gu daemaha, gai ia ga huli dua ga hai ange gi de hagasaalunga baubau, “Au e hai adu gi de goe i de ingoo o Iesu Klisdo, sao mai i ono daha.” Gai de hagasaalunga baubau gu sao mai i de masavaa laa donu huu.