Matthew 17:15 - De Beebaa Dabu

¹⁵ ga hai ange, “Tagi Maolunga, lodo aloha ange gi dagu dama, ia e lele age, gai gu duasala mmao. Ia e dee modu de baguu ange gi lo te ahi ma lo te vai.

Matthew 17:15 Iomraidhean Croise

De Beebaa go Job 2:7

Gai Satan ne hano gee mai i mada i mua o Tagi Maolunga, ga hai gu ssomo hanu hagahoa hagammae i de angaanga alodahi o Job, mai i luoono vae ga dae ai gi dono biho.

Matthew 15:22

Gai tilo, dahi hahine Canaan ne humai ga oo ga dangidangi ange gi de ia, ga hai ange, “Tagi Maolunga, Tama a David! Lodo aloha mai gi de au; dagu damaa hine gu iai de hagasaalunga baubau, gai ia gu duasala mmao.”

Matthew 17:16

Gai au ne gaamai ia gi daho au dangada agoago, gai gilaadeu tee maua i de hagaieiangi ia.”

Matthew 4:24

Gai ono longo gu dele i Syria alodahi, gai dangada ga gaamai gi ono daha dangada iai denga hagadaagangaa magi alodahi, ma gilaadeu e duasala i de mmae, ma gilaadeu iai denga hagasaalunga baubau, ma gilaadeu e llele age, ma gilaadeu e baagia, gai ia ga hagaieiangi gilaadeu.

Luke 6:18

gilaadeu ne loomai e hagallongo ana agoago ma de hagaieiangi olaadeu magi. Gilaadeu iai denga hagasaalunga baubau gu ieiangi hogi.

John 18:2

Gai Judas, taane ne gaavange laa ia, e iloo hogi e ia de mommee laa, go hiidinga Iesu ma ana dangada agoago e dee modu de hedae i kilaa.