Matthew 16:3 - De Beebaa Dabu

³ Gai goodou e hagataba i taiao, ‘E baubau naa de mee ailaa nei, go hiidinga gu mmea lo te langi ma de hagauliuli age.’ Goodou ni dangada e daahangadia dangada, goodou e iloo de tilo dagodo o lo te langi, aagai e dee tonu ange gi denga hagailonga e hai i de masavaa nei.

Matthew 16:3 Iomraidhean Croise

1 Chronicles 12:32

denga daane o Issachar, ni daane e tonu ange gi dagodo o de masavaa, ma de iloo de mee a de gau Israel e heohi i de hai — e lualau dagi madali olaadeu daane alodahi;

Matthew 11:5

de gau dee kide gu gidee, de gau balagelage gu seesee, de gau mmagi lebelaa gu gilimalali, de gau longoduli gu langona, de gau maakau gu mouli age, gai de longo danuaa gu tala ange gi de gau hagaau aloha.

Matthew 15:7

Goodou e daahangadia dangada! E heohi donu muna a Isaiah gu tala ai oodou dagodo, i dana hagadaba,

Matthew 22:18

Aagai Iesu gu iloo alaadeu maanadu vaivai daakodo, ga hai ange, “Goodou ni dangada e daahangadia dangada! Gu aha gu llodo ai naa goodou e hagatale au?

Matthew 23:13

“E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e pono de nohoanga hodooligi o de langi i dangada. Goodou e dee ulu ai, aagai goodou e buibui hogi dangada e llodo laa e ulu ai! [

Matthew 4:23

Gai Iesu ne hagadaga i Galilee alodahi ga agoago i denga synagogue, ga tala de longo danuaa o de nohoanga hodooligi ma de hagaieiangi denga hagadaagangaa magi ma mee hagabaageaa alodahi i daho dangada.

Matthew 7:5

Koe se dangada e daahangadia dangada! Aaua mai i mua tuudangaa laagau i lo too ganomada donu, gi gidee danuaa ai e goe i de aau mai talaa gainga i lo te ganomada o doo daina.

Luke 11:44

E vakaa naa goodou! Go hiidinga goodou e bei dagodo o denga daanunga e dee gidee laa e dangada, gai dangada e dee iloo bolo gilaadeu e seesee i olaadeu elunga.”

Luke 12:56

Goodou ni dangada e daahangadia dangada! Goodou e tonu ange gi dagodo mee o henua i lalo ma de langi, aagai goodou e dee tonu ange gi dagodo o de masavaa go iainei?

Luke 13:15

Tagi Maolunga ne hai ange gi de ia, “Goodou ni dangada e daahanga ina dangada! Dahi ma dahi i goodou e dee tala laa dana kaau aabe go dana donkey ga dagi gee mai i lo tono buibui ga kave e hagaunu i de laangi o Sabbath?

Hebrews 5:14

Aagai denga gai makaga ni mee ange gi dangada gu maatua abodonu, i hiidinga gilaadeu gu agoago ma gu hagaabo ange gilaadeu gi de vvae mee danuaa ma mee baubau.