Matthew 16:27 - De Beebaa Dabu

²⁷ Gai Tama a Tangada e humai naa i de mahamaha o dono Damana, madali ono dangada de langi, gai ia ga hagao ange ai gi bei dagodo hegau a dahi ma dahi.

Matthew 16:27 Iomraidhean Croise

De Beebaa go Job 34:11

Gai ia e hagao ange tangada gi bei dagodo o ana hegau, ia e hai gi aahe ange donu huu gi tangada ana hegau.

Psalm 62:12

gai koe, de Ia Aamua, e lodo aloha mmao. Koe e sui ange mee a tangada gu hai gi bei dagodo o ana hegau.

Proverbs 24:12

Noo koe e hagadaba, “Tilo, gimaadeu tee iloo donu,” e aha, de ia e hagahidi ina lodo o dangada e dee iloo e ia de mee nei? E aha, de ia e hagaloosia adu doo mouli e dee iloo e ia de mee nei? Gai ia e dee hagao ange naa dahi ma dahi gi bei dagodo o ana hegau?

Ecclesiastes 3:17

Au ne hagadaba i ogu lodo, “De Maadua e hagamodu naa muna o tangada heohi ma tangada baubau, go hiidinga e dahi masavaa ange gi mee alodahi, ma hegau alodahi.”

Jeremiah 17:10

Gai au, Tagi Maolunga, e tilo dagodo o de lodo ma de hagatale maanadu a tangada, au e hagao ange naa gi bei dagodo hegau a dahi.”

Jeremiah 32:19

au hagatau e danuaa mmao gai au hegau e mmahi mmao. Koe e gidee dagodo hegau alodahi a dangada, gai koe e hagao ange hegau a dangada gi bei alaadeu hegau.

Ezekiel 18:20

Tangada e haia de baubau e magau donu. Tama e dee hagaduasala donu i baubau o tamana, aagai tamana e dee hagaduasala i baubau o tama. Gai de heohi o tangada e aahe ange naa donu huu gi de ia, gai baubau o tangada e aahe ange naa donu huu gi de ia.

Ezekiel 7:27

De hodooligi e dangi naa, de gau aamua o de henua e maatagu naa, denga dagi e deai alaadeu tali, gai dangada e pole naa olaadeu lima. Gai au e hai hegau ange naa gi gilaadeu gi bei dagodo o alaadeu hegau, ma de hagamodu olaadeu muna bei delaadeu hai ne hagamodu ai muna. Gai gi iloo ai e gilaadeu bolo go au donu go Iahweh.”

Daniel 7:10

Gai e dahi ahi e sali laa bei ssaalingaa vai, e sali mai i ono mada i mua. Gai e mano e hagalagolago ange gi e mano dangada e daumaha ange gi de ia; gai e dahisemada e hagalagolago ange gi e dahisemada dangada e tuu i ono mada i mua. Gai de mommee hagamodu muna gu hagadabena, gai gu hhuge denga beebaa.

Zechariah 14:5

Gai goodou e saavini naa ga hulo laa gaogao de geelonga e vaaea laa denga mounga, go hiidinga de geelonga laa e dae laa gi Azal. Gai goodou e saavini naa ga hulo gee, e dagodo be goodou e saavini e hulo gee mai i de ngalungalue o de henua, i laangi o Uzziah ne hodooligi ai i Judah. Gai Tagi Maolunga dogu Maadua e humai naa madali de gau dabu alodahi.

Matthew 13:41

Tama a Tangada e hai naa gi hulo ana dangada de langi gi hagabudulia gi gaavee gee mai i dono nohoanga hodooligi mee alodahi e hidi mai ai de haisala, ma gilaadeu alodahi e haia de baubau.

Matthew 13:49

Deenei hogi tagodo o de hagaodi o henua i lalo. De gau de langi e loomai naa ga vvae de gau baubau mai i gilaadeu e heohi,

Matthew 24:30

Aagai de hagailonga o Tama a Tangada e hagasula mai naa i de langi. Gai huaabodu o henua i lalo alodahi e tangi naa, ga hagailiili olaadeu hadahada i delaadeu gidee Tama a Tangada, e humai i honga giliiga o de langi i ssauaa ma de mahamaha laumalie.

Matthew 25:31

“De masavaa naa huu o Tama a Tangada e humai ai i dono mahamaha madali ono dangada de langi alodahi, gai ia e noho naa i honga dono nohoanga hodooligi mahamaha.

Matthew 26:64

Iesu ne hai ange gi de ia, “Koe e hagadaba bolo go au go ia. Aagai au e hai adu gi goodou, dua iainei gai goodou e gidee naa Tama a Tangada e noho i de baasi madau o de Ia Mmahi laa, ma de humai i honga giliiga o de langi.”

Matthew 8:20

Iesu ne hai ange gi de ia, “Denga gaaduu de vao e hanu olaadeu haonga, gai denga manu llele e hanu olaadeu hoohanga, gai Tama a Tangada e deai donu se mommee e hagadagodo ange aagena dono biho.”

Mark 14:62

Iesu ne hai ange, “Go au donu. Gai goodou e gidee naa Tama a Tangada e noho i de baasi madau o de Ia Mmahi Mmao laa, ma de humai i honga giliiga o de langi.”

Mark 8:38

Be goai e dogaa i de au ma agu muna i magavaa o de atangada baubau ma de haisalasala nei, gai Tama a Tangada e dogaa naa hogi i de ia, i dono masavaa e ahe mai ai i de mahamaha o dono Damana madali de gau de langi dabu.”

Luke 21:27

De masavaa laa gai dangada e gidee naa Tama a Tangada e humai i honga giliiga i ssauaa aama de mahamaha laumalie.

Luke 22:69

Aagai dua iainei gai Tama a Tangada e noho naa i de baasi madau o de Maadua Mmahi laa.”

Luke 9:26

Be goai e dogaa i de au ma agu muna, gai Tama a Tangada e dogaa naa hogi i de ia i dono masavaa e ahe mai ai ma dono mahamaha, ma de mahamaha o Tamana, aama de gau de langi dabu.

John 21:22

Iesu ne hai ange gi de ia, “Noo au e lodo taane naa gi mouli ga dae ai gi dogu ahe mai, gai ni aha aau e hai ai? Koe daudali mai donu huu i de au!”

John 21:23

Gai muna nei gu dele i magavaa o denga daina bolo tangada agoago laa e dee magau naa donu. Gai Iesu tee hagadaba loo bolo ia e dee magau, aagai ne hagadaba, “Noo au e lodo ia gi mouli ga dae ai gi dogu ahe mai, gai ni aha aau e hai ai?”

Acts 1:11

ga hai ange, “Denga daane Galilee, gu aha gu tuu ai naa goodou e kalo age gi lo te langi? Iesu oodou e gidee naa gu gaavage mai i oodou daha gi de langi, e ahe mai naa bei doodou hai gu gidee ai naa ia e hano gi de langi.”

Romans 14:12

Deelaa ai, dahi ma dahi e tala ange naa ono dagodo gi de Maadua.

Romans 2:6

Gai ia e hagamodu naa muna o dahi ma dahi gi bei dagodo o ana hegau:

1 Corinthians 15:23

Gai e dahi donu hagatau o mee nei: Klisdo go de hua i taamada o de mouli age, gai dangada e daudali i lodo o Klisdo e mouli age naa i dono masavaa e ahe mai ai.

1 Corinthians 3:13

dagodo hegau a dahi ma dahi e ssula danuaa mai naa; i hiidinga e hagaago mai naa i de Laangi laa, de ahi e hai naa ga iloo ono dagodo. Gai de ahi e hagatale ange naa ga tilo be aahee dagodo hegau a dahi ma dahi.

1 Corinthians 8:8

Denga gai e dee maua i de hai gidaadeu gi paa ange gi de Maadua. Gidaadeu e dee kii ange de baubau noo gidaadeu e dee gai mee nei, aabe e kii ange tanuaa i taadeu gai.

2 Corinthians 5:10

Go hiidinga gidaadeu alodahi e tuu naa i mada i mua de nohoanga hagamodu muna o Klisdo, gai dahi ma dahi e kave naa de hagaoanga o ana hegau ne hai i de angaanga nei, e dee hilihili be e danuaa aabe e baubau.

Ephesians 6:8

i doodou iloo bolo Tagi Maolunga e hagao ange naa hegau danuaa a dahi e hai, e dee hilihili be ia se dangada hai hegau aabe se dangada ilaage.

Colossians 3:25

Go hiidinga tangada e haia de baubau e kave naa donu de hagaoanga o ana hegau baubau, gai de Maadua e dee vae dangada donu.

1 Thessalonians 1:10

gai goodou e tali de humai o dana Dama Daane mai i de langi, go Iesu, de ia a de Maadua ne hagamouli age mai i de magau. Gai go Iesu donu hogi ne hagaola ina gidaadeu mai i de bole ⌊o de Maadua⌋ gu dai humai laa.

1 Thessalonians 4:16

Gai Tagi Maolunga e hano iho naa donu i de langi ma de oo i de leo mmahi, madali de leo o tangada de langi maolunga aama de ili o de trumpet a de Maadua. Gai de gau maakau ne hagadonusia laa e mouli age naa i mua.

James 5:7

Deenei ai, denga daina, golomagi ina oodou lodo ga dae ai gi de humai o Tagi Maolunga. Goodou kalo ange diiloo de hai a tangada hai veelenga i dana tali de hua manu i honga dono gelegele, ia e golomagi ono lodo ga tali ai de pala de langi i de hagaodi ma taamada o de ngadau.

1 Peter 1:17

Gai noo goodou e hagahi ange Tamana, go de ia e hagamodu ina muna o dangada, gai e dee vae dangada, gai goodou mouli i de hagadubu ma de maatagu i doodou nnoho gaainga i henua i lalo nei.

1 John 2:28

Agu dama, goodou gi duudagi ina de nnoho i ono lodo, gi llodo mmahi ai goodou ma tee dookaa, i ono mada i mua i dono masavaa e hagasula mai ai.

Jude 1:14

Aanei gilaadeu a Enoch ne tala pelaabisi laa i de hidu atangada i dua o Adam, ga hagadaba, “Tilo, Tagi Maolunga e humai naa madali ono dangada de langi dabu soa mmao,

Revelation 1:7

Tilo, ia e humai naa i honga denga giliiga. Gai dangada alodahi e gidee naa ia, ma gilaadeu donu hogi ne velosia laa ia; gai aamuli alodahi o henua i lalo e tangi naa i ono hiidinga. Gai mee nei e hai naa donu! Amen.

Revelation 2:23

Au e daa naa hogi ana dama gi maakau, gi iloo ai e denga nohoanga dabu alodahi bolo au e iloo lodo ma maanadu a dangada alodahi. Gai au e hagaduasala naa dahi ma dahi gi bei dagodo o ana hegau.

Revelation 20:12

Gai au ne gidee hogi de gau maakau, go gilaadeu e maolunga ma gilaadeu e maolalo, e tuu i mada i mua o de nohoanga laa, gai gu hhuge denga beebaa. Gai gu hhuge ange hogi dahi beebaa gee, deenei de beebaa o de mouli. Gai de gau maakau gu hagamodu olaadeu muna i mee gu sisi i lodo beebaa laa, gi bei dagodo o alaadeu hegau ne hai.