Matthew 16:19 - De Beebaa Dabu

¹⁹ Gai au e gaavadu naa gi de goe de gii o de nohoanga hodooligi o de langi; gai be se aha naa huu aau e pono i henua i lalo, gai e pono hogi i de langi; gai be se aha naa huu aau e dugu ange gi hai i henua i lalo, gai e dugu ange hogi gi hai i de langi.”

Matthew 16:19 Iomraidhean Croise

Isaiah 22:22

Au e hagauda ange naa gi honga dono eu de gii o de hale o David; gai dana mee e hhuge e deai donu e maua i de pono, gai dana mee e pono e deai donu e maua i de hhuge.

Matthew 18:18

Ni muna abodonu aagu e hai adu nei gi goodou, be se aha naa huu oodou e pono i henua i lalo, gai e pono hogi i de langi. Gai be se aha naa huu oodou e dugu ange i henua i lalo, gai e dugu ange hogi i de langi.

John 20:23

Noo goodou e tala haisala o dangada, gai olaadeu haisala gu maatala donu; gai noo goodou e dee tala haisala o dangada, gai olaadeu haisala e dee maatala donu.”

Acts 15:7

Gai ga daulooloa huu delaadeu hagasaele, gai Peter ga hidi age ga hai ange gi gilaadeu, “Denga daina, goodou e iloo bolo hanu masavaa gu hulo, gai de Maadua ne hili au gi daalaa ange de longo danuaa gi denga Gentile, gi hagadonusia ai hogi e gilaadeu.

2 Corinthians 2:10

Gai be goai oodou e degi ange aagena, gai au e degi ange hogi gi de ia. Gai mee aagu gu degi ange ai gi dahi dangada — noo e hanu donu ogu mee e degi ange ai — gai au ne hai i oodou hiidinga i mada luu mada o Klisdo,

1 Thessalonians 4:8

Deenei ai, tangada e hagangadi mee ina hainga nei e dee hagangadi mee dangada, gai ia e hagangadi mee donu de Maadua, go de ia ne gaavadu gi goodou dono Hagasaalunga Dabu.

Revelation 1:18

go au de ia e mouli laa; au ne magau, gai tilo, au gu mouli ga hano ai e dee ngado mai! Gai go au e daohia de gii o de magau aama de mommee o de gau maakau.

Revelation 11:6

Gai e dahi donu olaau sauaa e pono ai gi dee pala de langi i laangi olaau e pasa pelaabisi ai, ma de sui ai denga vai gi ni dodo, ma de hai gi loomai gi henua i lalo denga hagadaagangaa mee hagamaakau, i de masavaa alaau e llodo ai.

Revelation 3:7

“Gai siia ange muna nei gi tangada de langi o de nohoanga dabu i Philadelphia: Aanei muna a de ia dabu laa, go de ia e hai hegau laa i de muna abodonu, go de ia e daohia de gii a David; dana mee e hhuge e deai donu e maua i de pono, gai dana mee e pono e deai donu e maua i de hhuge.

Revelation 9:1

Gai togolima dangada de langi ga ili dana trumpet, gai au gu gidee dahi heduu i lo te langi e doo iho gi henua i lalo, gai gu gaavange gi de heduu laa de gii o de geelonga e deai laa sono dagelo.