Matthew 16:13 - De Beebaa Dabu

¹³ De masavaa o Iesu ne hano ai gi de vaaenga o Caesarea Philippi, gai ia ga ssili ange gi ana dangada agoago, “Dangada e hagataba laa bolo goai Tama a Tangada?”

Matthew 16:13 Iomraidhean Croise

Daniel 7:13

Au ne gidee ange hogi i denga midi i de boo, dahi bei dagodo o Tama a Tangada e humai i honga denga giliiga i lo te langi; ia ne humai gi mada luu mada o de Ia mai Madagidagi.

Matthew 12:32

Be goai e daalaa dahi muna e hai baasi ange ai gi Tama a Tangada, gai e tala donu ono haisala, aagai be goai e daalaa hanu muna e hai baasi ange ai gi de Hagasaalunga Dabu, gai e dee tala donu ono haisala iainei, aabe go de masavaa e humai.

Matthew 12:40

Jonah ne noho i lo te dinae o dahi mamu laumalie i e dolu laangi ma e dolu boo; gai e bei ai hogi, Tama a Tangada e dagodo naa i lalo de gelegele i e dolu laangi ma e dolu boo.

Matthew 12:8

Go hiidinga Tama a Tangada go de Ia Aamua o Sabbath.”

Matthew 13:37

Ia ne hai ange gi gilaadeu, “Tangada ne dooa golee danuaa laa go Tama a Tangada.

Matthew 13:41

Tama a Tangada e hai naa gi hulo ana dangada de langi gi hagabudulia gi gaavee gee mai i dono nohoanga hodooligi mee alodahi e hidi mai ai de haisala, ma gilaadeu alodahi e haia de baubau.

Matthew 15:21

Iesu ne hano gee mai i kilaa ga hano gi de ungaamee o Tyre ma Sidon.

Matthew 16:27

Gai Tama a Tangada e humai naa i de mahamaha o dono Damana, madali ono dangada de langi, gai ia ga hagao ange ai gi bei dagodo hegau a dahi ma dahi.

Matthew 16:28

Ni muna abodonu aagu e hai adu nei gi goodou: e hanu donu dangada e tuu i kinei e dee maakau ga dae ai gi delaadeu gidee Tama a Tangada e humai i dono nohoanga hodooligi.”

Matthew 25:31

“De masavaa naa huu o Tama a Tangada e humai ai i dono mahamaha madali ono dangada de langi alodahi, gai ia e noho naa i honga dono nohoanga hodooligi mahamaha.

Matthew 8:20

Iesu ne hai ange gi de ia, “Denga gaaduu de vao e hanu olaadeu haonga, gai denga manu llele e hanu olaadeu hoohanga, gai Tama a Tangada e deai donu se mommee e hagadagodo ange aagena dono biho.”

Matthew 9:6

Aagai mee nei ne hai gi iloo ai e goodou, bolo Tama a Tangada e dahi donu ono sauaa i henua i lalo e degi ange ai gi haisala.” Gai ia ga hai ange gi taane balagelage laa, “Hidi age, sabaia doo moenga hannoo gi doo hale!”

Mark 10:45

Go hiidinga Tama a Tangada tee humai donu hogi e hai dangada gi hai hegau ange gi de ia, aagai ia ne humai ga hai hegau ange gi dangada, ma de gaavange dono mouli e hagaola ai dangada soa.”

Mark 8:38

Be goai e dogaa i de au ma agu muna i magavaa o de atangada baubau ma de haisalasala nei, gai Tama a Tangada e dogaa naa hogi i de ia, i dono masavaa e ahe mai ai i de mahamaha o dono Damana madali de gau de langi dabu.”

John 1:51

Iesu ne hai ange hogi, “Ni muna abodonu, ni muna abodonu aagu e hai adu nei gi goodou, goodou e gidee naa de langi e hhuge, gai dangada de langi o de Maadua e loage aama de loiho gi honga o Tama a Tangada.”

John 12:34

Dangada ne hai ange gi de ia, “Gimaadeu gu langona mai i de hainga bolo de Klisdo e mouli naa donu huu ga hano ai. Gai dee hee dau hai e tala mai ai naa bolo Tama a Tangada e hagaduu age? Goai Tama a tangada oou e basa ai naa?”

John 3:14

Moses ne hagaduu age de labodo i de vao, gai Tama a Tangada e hagaduu age naa hogi,

John 5:27

ma ssauaa e hagamodu ai muna, i hiidinga go ia Tama a Tangada.

Acts 10:38

e bei dagodo de hagadabu a de Maadua Iesu taane Nazareth i de Hagasaalunga Dabu ma ssauaa, aama dagodo o dono hagadaga ga hai denga hegau danuaa, ma de hagaieiangi dangada alodahi gu hagaduasala laa i lalo ssauaa o de ia hagabaubau laa, go hiidinga de Maadua e noho i ono daha.

Acts 7:56

gai ia ga hagadaba, “Tilo, au e gidee de langi gu mahuge, gai Tama a Tangada e duu i de baasi madau o de Maadua.”