Matthew 15:23 - De Beebaa Dabu

²³ Aagai ia tee basa ange gi de ia. Gai ana dangada agoago gu tae mai ga usuusu ange ia, ga hai ange, “Haia de hine naa gi hano, go hiidinga ia e daudali mai i gidaadeu ma e hagalongaa ai.”

Matthew 15:23 Iomraidhean Croise

Genesis 42:7

Gai ga gidee huu e Joseph ono daina, gai ia gu madea gilaadeu, aagai ia ga hagadee iloo gilaadeu ma de basa bole ange gi gilaadeu, ga ssili ange ga hai ange, “Go hee oodou ne loomai ai naa?” Gilaadeu ne hai ange, “Gimaadeu ne loomai i de henua go Canaan e hagao hanu gai.”

Psalm 28:1

Tagi Maolunga, au e hagahi goe; go koe dogu baba makaga, aude bonodia luoo dalinga i de au. Noo koe e dee muu mai, gai au e bei donu dangada gu hulo laa gi de mommee o de gau maakau.

Lamentations 3:8

Au ne dalodalo ma de dangidangi i de bale, gai ia tee hagallongo dagu dalodalo.

Matthew 14:15

Gai ga ahiahi huu de mee, aagai ana dangada agoago ga loomai, ga hai ange, “De mommee nei e deai dangada iai, gai gu dai boo hogi de mee. Haia gi hulo dangada gi denga aduhale gi hagao ina ai alaadeu gai.”

Matthew 15:22

Gai tilo, dahi hahine Canaan ne humai ga oo ga dangidangi ange gi de ia, ga hai ange, “Tagi Maolunga, Tama a David! Lodo aloha mai gi de au; dagu damaa hine gu iai de hagasaalunga baubau, gai ia gu duasala mmao.”

Matthew 15:24

Aagai Iesu ga hai ange gi gilaadeu, “Au ne hai donu huu gi humai gi denga ssiibi gu dee maaleva laa i daho de gau Israel.”

Deuteronomy 8:2

Gai goodou manadua de hai a Tagi Maolunga doodou Maadua ne dagi mai ai goodou i lodo henua, i denga ngadau e madahaa nei; ia ne hagamaolalo goodou ma de hagatale goodou e tilo ai dagodo o oodou lodo, be goodou e daohi ana muna gu tala adu gi goodou be deai.