Matthew 15:20 - De Beebaa Dabu

²⁰ Aanei mee e haia ga dee gilimalali tangada, aagai de gaimee i lima e dee hhui e dee maua donu i de hai gi dee gilimalali tangada.”

Matthew 15:20 Iomraidhean Croise

Matthew 15:19

Gai aanei mee e loomai i lodo o tangada: go maanadu baubau, ma de daa tangada gi magau, ma de gaiaa de bodu o dahi, ma de hai be se manu, ma de gaiaa, ma de hadu muna i de tala hagadonu, aama de tala hagabaubau dahi.

Matthew 15:2

“Gu aha au dangada agoago gu oha ai naa denga dahulinga a denga dubuna madagidagi? Gilaadeu e dee hhui olaadeu lima i mua de gaimee!”

Matthew 15:21

Iesu ne hano gee mai i kilaa ga hano gi de ungaamee o Tyre ma Sidon.

Revelation 21:27

Aagai e deai donu se mee hakino gee e hagaulu mai gi kilaa, be se dangada e haia dahulinga hakino gee ma de mee hagasenga, gai go gilaadeu donu huu gu sisi laa olaadeu ingoo i de beebaa o de mouli a Ssiibi Gauligi e maua i de ulu i kilaa.

Revelation 21:8

Aagai de gau madagudagu, ma dangada tee hagadonusia, ma de gau hakino gee, ma de gau daa dangada, ma de gau dagodo haisala, ma de gau hai huuhuaa mee, ma dangada e daumaha ange gi denga diinonga, ma de gau hadu muna alodahi — delaadeu duuhanga go de ahi ula ma denga sulfur e sali laa bei de vai, deenei de lua magau.”