Matthew 15:18 - De Beebaa Dabu

¹⁸ Aagai mee e ssao mai i lo te ngudu o tangada e loomai i lodo o tangada, aanei mee e haia ga dee gilimalali tangada.

Matthew 15:18 Iomraidhean Croise

Psalm 36:3

Ana muna e tala e baubau, ma de daahanga dangada; ia gu dee hai hegau i de heiangi ma tanuaa.

Proverbs 10:32

Tangada heohi e iloo be aahee muna e heohi ange gi dahi masavaa, aagai tangada baubau e tala donu denga muna hhadu.

Proverbs 15:2

Muna a tangada heiangi iai de iloo mee, aagai muna a tangada lodo senga e hagaago mai dono senga.

Proverbs 15:28

Tangada heohi e maanadu i mua dono basa, aagai tangada baubau e tala donu huu muna baubau.

Proverbs 4:23

Gai de mee e hagamogomogo ange i mee alodahi, go de dagitilo dagodo oo lodo, go hiidinga go kilaa iai mee o de mouli.

Proverbs 6:12

Tangada e deai ono haigamaiana, se dangada baubau, e hagadaga saele ma e tala denga muna hhadu;

Matthew 12:34

Goodou dama a denga labodo hagammau! Dee hee doodou hai e maua ai i de tala hanu mee danuaa, gai goodou ni dangada baubau? Muna a tangada e hagaago mai donu mee i ono lodo.

Matthew 15:11

E dee go mee e hhao gi lo te ngudu o tangada e haia ga dee gilimalali ia, aagai go mee e ssao mai i lo tono ngudu, e haia ga dee gilimalali ia.”

Matthew 15:17

Goodou e dee iloo laa bolo mee e hhao gi lo te ngudu o tangada e hulo gi lo te dinae, ga lava ga ssao ga hulo gee?

Mark 7:20

Iesu ne hai ange hogi gi gilaadeu, “Go mee e ssao mai i lodo o tangada e haia ga dee gilimalali ia.

Luke 19:22

Gai tangada aamua ne hai ange gi de ia, ‘Koe se dangada hai hegau baubau! Au e hagamodu oo dagodo gi bei au muna! E aha, koe ne iloo bolo au se dangada vaivai dagodo, au e kave mee e dee niiagu ma de hagihagi mee aagu tee doo?

1 Samuel 24:13

Gai e bei de muna hagasengasenga madagidagi e hai ange laa, ‘Go daho de gau baubau e ssula age ai hegau baubau.’ Aagai au e dee hai baasi adu naa donu gi de goe.