Matthew 14:31 - De Beebaa Dabu

³¹ De masavaa laa donu huu gai Iesu ga haalo ange dono lima ga poo Peter, ga hai ange gi de ia, “E damaa mee mmao doo gai. Gu aha gu lua lodo ai naa goe?”

Matthew 14:31 Iomraidhean Croise

Genesis 22:14

Gai Abraham ga hagaingoo ange de mommee laa go Iahweh Jireh, bei de hai gu tala ai laa ga dae mai ai gi anailaa nei, “Tagi Maolunga e gaamai i honga dono mounga.”

Psalm 138:7

Gai ga duu ange naa donu au gi de hai ngadaa, gai koe e hagaola dogu mouli; koe e hagaabo doo lima e hai baasi ange gi de lili o ogu hagadaumee, gai doo lima madau e hagaola dogu mouli.

Isaiah 63:12

gai go de ia ne hagahai hegau ina dono lima sauaa i daho Moses, ma de vvae lua de vai i olaadeu mada i mua, ga hagamaolunga ai dono ingoo ga hano ai?

Matthew 14:30

Aagai ga gidee huu e ia de madangi mmahi, gai ia gu madagu ga daamada de abulu, gai ia ga oo ga hai ange, “Tagi Maolunga, hagaola ina mai au!”

Matthew 14:32

Gai de masavaa huu olaau ne kage ai gi lo te boose, gai gu sili de madangi.

Matthew 16:8

Aagai Iesu gu iloo e ia alaadeu maanadu, gai ia ga hai ange, “Goodou ni dangada e vaaligiligi oodou kai, gu aha gu pasa ai naa goodou i teai oodou pelaoaa?

Matthew 17:20

Ia ne hai ange gi gilaadeu, “Go hiidinga de kona de vaaligiligi oodou kai. Ni muna abodonu aagu e hai adu nei gi goodou, noo oodou kai e vaaligiligi bei de golee o de mustard, gai goodou e maua i de hai ange gi de mounga nei, ‘Ngalue gee mai i kinei hannoo gi kilaa!’, gai e ngalue donu. E deai donu se mee daudahi oodou e dee maua i de hai! [

Matthew 6:30

Aagai noo de Maadua e hakahu danuaa denga helii i lo te duu malaelae, go mee e ssomo laa ailaa nei, gai daiao gu tili ange gi lo te ahi, aagai e dee kii ange naa donu dana hakahu goodou — goodou de gau vaaligiligi oodou kai?

Matthew 8:26

Iesu ne hai ange gi gilaadeu, “Gu aha gu maatagu ai naa goodou? Oodou kai e vaaligiligi mmao!” Aagai ia ga hagasee de madangi ma de vai, gai gu malino ange hogi.

Mark 1:31

Gai ia ga hano ga poo dono lima ga hagahidi age ia, gai dono angaanga gu dee vvela. Gai de hine laa ga hidi age ga hai ange hanu gai e gaimee ai gilaadeu.

Mark 1:41

Gai Iesu gu aloha i de ia, gai ia ga haalo dono lima ga poo ange ia, ga hai ange, “Au e lodo, koe gu gilimalali.”

Mark 11:23

Ni muna abodonu aagu e hai adu nei gi goodou, be goai e hai ange gi de mounga nei, ‘Ngalue gee mai i doo duulanga ma gi doo ange gi lo te lausedi,’ gai ia e dee lua lodo aagai e hagadonu bolo ana muna e hagassula naa donu, aagai e hai donu gi bei ana muna.

Mark 16:7

Gai goodou hulo daalaa ange gi ana dangada agoago aama Peter: ‘Ia gu hano i oodou mada i mua gi Galilee. Go kilaa oodou e gidee ai ia, bei dana hai gu tala adu ai gi goodou.’ ”

Mark 4:40

Gai ia ga hai ange gi ana dangada agoago, “Gu aha gu maatagu ai naa goodou? Goodou e deai naa donu oodou kai?”

Mark 5:41

Gai ia ga poo de lima o tamaa hine laa, ga hai ange gi de ia, “Talitha koum!”, e bei “De gauligi hahine, au e hai adu gi de goe, hidi age!”

Luke 24:34

gilaadeu ne hai ange, “Ni muna abodonu, Tagi Maolunga gu mouli age, gai ia gu hakide ange hogi gi Simon!”

Acts 4:30

Gai haalo ina doo lima ga hagaieiangi ai magi ma de hai denga hagailonga ma mee hagalele mouli i de ingoo o doo dangada hai hegau dabu go Iesu.”

Deuteronomy 32:36

Tagi Maolunga e hagamodu naa dagodo o ono dangada, ma de lodo aloha ange gi ono dangada hai hegau, i de masavaa aana e gidee ai teai olaadeu mahi, gai gu deai dangada hai hegau aabe ni dangada ilaage e doe.

1 Timothy 2:8

Au e lodo denga daane i mommee alodahi gi haalo ina olaadeu lima dabu gi dalodalo ai, gilaadeu gi dee lili aabe gi hagadaumee.

1 Peter 1:5

go goodou e hagaloosia laa i ssauaa o de Maadua, i doodou kai ange gi de ia, ga dae ai gi de hagaago mai de hagamouli gu baba ange laa e hagaago mai i laangi hagaodi.