Matthew 14:2 - De Beebaa Dabu

² gai ia ga hai ange gi ono dangada hai hegau, “Deenei donu taane babudaisi go John; ia gu mouli age! Aanei hiidinga gu hai ai nei denga sauaa hagalele mouli i ono daha.”

Matthew 14:2 Iomraidhean Croise

Matthew 11:11

Ni muna abodonu aagu e hai adu nei gi goodou, tigi ai ange donu se dangada ne haanau i daho denga haahine e maolunga ange i a John taane Babudaisi. Aagai tangada e maolalo i de nohoanga hodooligi o de langi, e maolunga ange i de ia.

Matthew 16:14

Ana dangada agoago ne hai ange, “Hanu bolo koe go John taane Babudaisi, gai hanu bolo go Elijah, aagai hanu bolo go Jeremiah aabe go dahi pelaabisi ange laa.”

Matthew 3:1

Laangi laa gai a John taane Babudaisi ne hano gi de vao o Judea ga agoago ai,

Mark 6:14

Gai de hodooligi go Herod gu langona e ia dagodo o de mee laa, (go hiidinga gu soa dangada ne langona dagodo o Iesu). Hanu dangada ne hagataba, “John taane Babudaisi gu mouli age! Aanei hiidinga aana gu hai ai nei denga sauaa hagalele mouli nei.”

Mark 8:28

Gilaadeu ne hai ange, “Hanu bolo koe go John taane Babudaisi, hanu bolo go Elijah, aagai hanu bolo go dahi pelaabisi.”

Luke 9:7

Gai ga langona huu e Herod, de tetrarch, dagodo mee aana gu hai, gai ia gu senga ange, go hiidinga hanu e hagataba bolo a John gu mouli age mai i de magau,

John 10:41

Gai dangada soa ne loomai gi ono daha, ga hai ange, “John teai donu ana hagailonga ne hai, gai mee alodahi aana gu tala, i dagodo o Taane nei ni muna abodonu.”