Matthew 14:14 - De Beebaa Dabu

¹⁴ Gai ga dae huu Iesu gi de mommee laa ga hanage gi uda, gai ia gu gidee dangada soa mmao, aagai ia gu lodo aloha i gilaadeu ga hagaieiangi alaadeu magi.

Matthew 14:14 Iomraidhean Croise

Matthew 14:15

Gai ga ahiahi huu de mee, aagai ana dangada agoago ga loomai, ga hai ange, “De mommee nei e deai dangada iai, gai gu dai boo hogi de mee. Haia gi hulo dangada gi denga aduhale gi hagao ina ai alaadeu gai.”

Matthew 4:23

Gai Iesu ne hagadaga i Galilee alodahi ga agoago i denga synagogue, ga tala de longo danuaa o de nohoanga hodooligi ma de hagaieiangi denga hagadaagangaa magi ma mee hagabaageaa alodahi i daho dangada.

Matthew 9:36

De masavaa a Iesu ne gidee ai dangada soa, gai ia gu lodo aloha i gilaadeu, go hiidinga gilaadeu e dee nnoho paba gai e maoha saele, bei dagodo o denga ssiibi e deai laa selaadeu dangada hagaloosi.

Mark 6:34

De masavaa o Iesu ne dae ai ga gidee dangada soa i kilaa, gai ia gu lodo aloha i gilaadeu, go hiidinga gilaadeu e bei dagodo o denga ssiibi e deai laa selaadeu dangada hagaloosi. Gai ia ga daamada de agoago ange gilaadeu i mee lagolago.

Mark 9:22

Gai gu dee modu dana hagabaguu ange dagu dama gi lo te ahi ma lo te vai e daa ai ia gi magau. Gai noo koe e maua, gai koe lodo aloha mai gi gimaau!”

Luke 19:41

De masavaa o Iesu ne baa ange ai ga gidee de aduhale, gai ia gu dangi,

Luke 7:13

Gai de masavaa huu a Tagi Maolunga ne gidee ai de hine laa, gai ia gu lodo aloha i de ia, gai ia ga hai ange gi de ia, “Aude dangi.”

Hebrews 2:17

Deenei ai, ia ne hai ga bei ono daina i mee alodahi, gi maua ai e ia i de hai gi se dangada haimeedabu maolunga e degi ma de hai hegau i de muna abodonu i hegau a de Maadua, gai ia ga degi ange ai gi haisala o dangada.

Hebrews 4:15

Go hiidinga taadeu dangada haimeedabu maolunga e lodo aloha mai gi odaadeu mee e baageaa ai, i hiidinga ia gu lava i de hagatale i mee alodahi bei odaadeu dagodo, aagai ia tee haisala donu.

Hebrews 5:2

Gai ia e donu ange gi dagodo o dangada e llodo ssenga ma gilaadeu e daahuli gee i de muna abodonu, go hiidinga ia e baageaa donu hogi i de hai mee nei.