Matthew 13:8 - De Beebaa Dabu

⁸ Gai hanu ne too ange gi honga de gelegele danuaa, aanei golee ne ssomo ga hhua: hanu e dagillau, hanu e dagimadaono, gai hanu e dagimatolu.

Matthew 13:8 Iomraidhean Croise

Genesis 26:12

Gai Isaac ne doo hanu veelenga i de henua laa, gai hua ne hagihagi i de ngadau laa se lau hanonga ne lagolago ange ai i ana hua ne doo, go hiidinga Tagi Maolunga ne hagamanuuia ia.

Matthew 13:23

Gai golee ne too ange laa gi honga de bela danuaa, go tangada e langona e ia muna laa ga donu ange aagena. Deenei tangada e hua lagolago: hanu e dagillau, hanu e dagimadaono, aagai hanu e dagimatolu e kii ange ai i mee ne doo laa.”

Matthew 13:7

Hanu ne too ange gi magavaa o denga manu daladala, gai manu daladala laa ga ssomo age ga hagakabi gilaadeu.

Mark 4:20

Hanu e bei denga golee ne too ange laa gi honga de gelegele danuaa; gilaadeu ne langona muna laa ga daohi i olaadeu lodo, gai gilaadeu gu hhua: hanu e dagimatolu, hanu e dagimadaono, gai hanu e dagillau.”

Mark 4:8

Gai hanu ne too ange gi honga de gelegele danuaa, aanei golee ne ssomo ga hhua: hanu e dagimatolu, hanu e dagimadaono, gai hanu e dagillau.”

Luke 8:15

Gai denga golee ne too ange laa gi honga de bela danuaa, go dangada e langona laa muna a de Maadua ga dugu i olaadeu lodo i de heohi ga daudali ai, gai gilaadeu gi lodo mmahi ga dae ai gi delaadeu hagadili hua.

Luke 8:8

Hanu ne too ange gi honga de bela danuaa, ga ssomo age ga hhua mai ai e dagillau.” Gai ga lava huu i dana tala ange mee nei, gai ia ga hai ange, “Be goai e hanu ono dalinga e hagallongo ai, gai ia gi hagalaangona.”

John 15:8

Deenei de mee e hagamahamaha ai dogu Damana, go doodou hhua lagolago, e hagaago mai ai bolo goodou ni dangada agoago donu niiagu.

Romans 7:18

Gai au e iloo bolo e deai donu se mee danuaa daudahi e dagodo i ogu lodo, i de angaanga nei. Au e lodo e hai de mee danuaa, aagai au e dee maua donu i de hai.

Philippians 1:11

Gai oodou mouli gu hoohonu i hua o de heohi ne daamada mai laa i mahi o Iesu Klisdo, e hagamahamaha ai ma de tuhi ai de Maadua.