Matthew 13:51 - De Beebaa Dabu

⁵¹ ⌊Iesu ne ssili ange,⌋ “Goodou gu tonu ange nei gi mee nei alodahi?” Dangada ne hai ange, “Uaa.”

Matthew 13:51 Iomraidhean Croise

Matthew 13:11

Iesu ne hai ange gi gilaadeu, “Gu dugu adu gi maua e goodou i de tonu ange gi mee o de nohoanga hodooligi o de langi e dee iloo laa, aagai tigi dugu ange gi gilaadeu.

Matthew 13:19

De masavaa naa huu a tangada e langona e ia dagodo o de nohoanga hodooligi, gai ia e dee donu ange aagena, gai de ia baubau laa e humai ga kave gee mee gu doo ange laa gi ono lodo. Aanei golee e too ange laa gi gaogao de haiava.

Matthew 13:50

ga tili ange gilaadeu gi de mommee o de ahi mmahi, go de mommee o de tangi ma de hagaida ai gauvae.”

Matthew 13:52

Ia ne hai ange, “Deenei ai, de gau sisi alodahi gu agoago i dagodo o de nohoanga hodooligi o de langi, e bei tangada e dugua mai laa ono goloa hoou ma goloa duai i dono mommee doange.”

Matthew 15:17

Goodou e dee iloo laa bolo mee e hhao gi lo te ngudu o tangada e hulo gi lo te dinae, ga lava ga ssao ga hulo gee?

Matthew 16:11

E aha, goodou tigi tonu ange naa donu bolo au tee basa adu i denga pelaoaa? Gai au e hai adu goodou gi kana ange i mee hagahua a denga Pharisee ma Sadducee.”

Matthew 24:15

“Deenei ai, noo gu gidee e goodou de mee hakino gee e haia laa ga ngadi dagodo de mommee, gu duu i de mommee dabu, go mee gu tala laa i daho de pelaabisi go Daniel,” (gai tangada e daulia muna nei gi donu ange),

Mark 4:34

Ia ne agoago ange donu huu dangada i denga mee hagasengasenga. Aagai de masavaa naa huu oona gu noho ai madali ana dangada agoago, gai ia ga hagadonu ange mee alodahi gi gilaadeu.

Mark 7:18

Gai Iesu ne ssili ange gi gilaadeu, “E aha, goodou tigi tonu ange naa donu hogi? Goodou e dee iloo bolo mee e hhao gi lodo o tangada, e dee maua i de hai gi dee gilimalali ia,

1 John 5:20

Gidaadeu e iloo bolo Tama Daane a de Maadua gu humai donu, gai ia gu hai gi tonu danuaa ange gidaadeu, gi iloo ai e gidaadeu de Maadua abodonu. Gai gidaadeu ga nnoho ai i lodo o de Maadua abodonu, i lodo o dana Dama Daane go Iesu Klisdo. Gai go ia donu de Maadua abodonu ma de mouli e dee ngado mai.