Matthew 13:39 - De Beebaa Dabu

³⁹ De hagadaumee ne dooa denga helii, go de ia hagabaubau laa. Aagai de masavaa o de hagihagi go de hagaodi o henua i lalo, gai de gau hagihagi go de gau de langi.

Matthew 13:39 Iomraidhean Croise

Daniel 7:10

Gai e dahi ahi e sali laa bei ssaalingaa vai, e sali mai i ono mada i mua. Gai e mano e hagalagolago ange gi e mano dangada e daumaha ange gi de ia; gai e dahisemada e hagalagolago ange gi e dahisemada dangada e tuu i ono mada i mua. Gai de mommee hagamodu muna gu hagadabena, gai gu hhuge denga beebaa.

Joel 3:13

Hagaabo ina de kamaa, go hiidinga denga huamanu gu lleu. Hannoo, dagadagahia denga grape, i hiidinga gu honu de mommee e kumi ai uvaini, gai mommee hhao uvaini gu honu malingilingi — olaadeu baubau gu lagolago mmao!

Matthew 12:32

Be goai e daalaa dahi muna e hai baasi ange ai gi Tama a Tangada, gai e tala donu ono haisala, aagai be goai e daalaa hanu muna e hai baasi ange ai gi de Hagasaalunga Dabu, gai e dee tala donu ono haisala iainei, aabe go de masavaa e humai.

Matthew 13:22

Gai golee ne too ange laa gi magavaa o denga manu daladala, go tangada e langona e ia muna laa; aagai mee hagamanavasaa o henua i lalo nei, ma de lava e hagasengalia laa dangada ga hagakabi muna laa, gai tee maua gi hhua.

Matthew 13:25

Aagai ga sseni huu dangada, gai dono hagadaumee ga humai ga doo ange denga helii baubau i magavaa o denga grain, gai ia ga hano gee mai i kilaa.

Matthew 13:28

Tangada aamua laa ne hai ange gi gilaadeu, ‘Go dogu hagadaumee ne dooa mee naa.’ Gai ono dangada hai hegau ga ssili ange gi de ia, ‘Koe e lodo gimaadeu gi hulo gi unuunusia age denga helii laa?’

Matthew 13:40

Dagodo o de hagabudu o denga helii ga dudu i de ahi, e bei hogi dagodo o mee e hai i de hagaodi o henua i lalo.

Matthew 13:49

Deenei hogi tagodo o de hagaodi o henua i lalo. De gau de langi e loomai naa ga vvae de gau baubau mai i gilaadeu e heohi,

Matthew 24:3

De masavaa o Iesu ne hano ai ga noho i honga de Mounga o denga Olive, gai ana dangada agoago ga loomai gi ono daha i de masavaa e deai ai dangada, ga hai ange, “Daalaa mai, dee hee de masavaa e hai ai mee nei? Aagai dee hee de hagailonga o doo ahe mai aama de hagaodi o henua i lalo?”

Matthew 25:31

“De masavaa naa huu o Tama a Tangada e humai ai i dono mahamaha madali ono dangada de langi alodahi, gai ia e noho naa i honga dono nohoanga hodooligi mahamaha.

Matthew 28:20

ma de agoago ange gilaadeu gi daudali i mee alodahi aagu gu tala adu gi goodou. Gai tilo, au e noho i oodou daha i masavaa alodahi ga dae ai gi de hagaodi.”

1 Corinthians 10:11

Gai mee ne hai ange gi gilaadeu e hai ai taadeu mee hagaago, gai ne sisi ga daohi e hagakana ange ai gidaadeu, go gidaadeu gu nnoho i denga laangi hagaodi nei.

2 Corinthians 11:3

Aagai au e manavasaa kana hagasengalia goodou, bei de hai a de labodo ne daahanga ai laa Eve i dono heiangi vaivai dagodo, gai oodou lodo abodonu ma de gilimalali ga daahuli gee i Klisdo.

2 Corinthians 2:17

Gai gimaadeu e dee bei dagodo o dangada soa, e haia laa muna a de Maadua bei goloa e hagao laa gi daha gi lagolago ai olaadeu mee. Aagai gimaadeu e hai hegau i de muna abodonu, i demaadeu agoago i mada luu mada o de Maadua, i lodo o Klisdo, bei de hai a de Maadua gu hagadabu ai gimaadeu.

Ephesians 2:2

go doodou hai nogo mouli ai, goodou ne daudali i dahulinga o henua i lalo nei, ma de daudali ange i tagi mmahi o lo te langi, go de hagasaalunga e hai hegau i lodo o dangada e dee hagallongo ange gi de Maadua.

Hebrews 1:2

aagai denga laangi hagaodi nei, gai ia gu basa mai hogi gi gidaadeu, i daho dana Dama Daane, go de ia gu hili e bolo ange aagena mee alodahi, gai go ono daha hogi aana ne hai ai henua i lalo alodahi.

Hebrews 9:26

Noo deenei tagodo, gai Klisdo ne aheahe ange ga hagaduasala mai i taamada de hai o henua i lalo. Aagai tagodo donu, ia ne humai i dahi hanonga daudahi i denga laangi hagaodi nei, e gaavange dono mouli e hai ai ssigidaumaha e kave gee ai haisala.

1 Peter 5:8

Goodou gi hagamadaala ga dagitilo; go hiidinga doodou hagadaumee, go de ia hagabaubau, e seesee saele bei de laiono e haganngolo laa i dana masavaa e ssala dahi manu e holo.

Jude 1:14

Aanei gilaadeu a Enoch ne tala pelaabisi laa i de hidu atangada i dua o Adam, ga hagadaba, “Tilo, Tagi Maolunga e humai naa madali ono dangada de langi dabu soa mmao,

Revelation 12:9

Gai de dragon laumalie laa gu tili iho gi lalo, go de labodo madagidagi e hagaingoo ange laa go de ia hagabaubau aabe go Satan, gai go de ia e hagasengalia laa dangada i henua i lalo alodahi — ia gu tili iho gi henua i lalo madali ono dangada de langi alodahi.

Revelation 13:14

ga hagasenga ai dangada i henua i lalo, i hiidinga o denga hagailonga aana e hai i ssauaa o de manu alasala laa. Gai ia ne hai dangada gi hagaduulia dahi diinonga, gi hagadulagi ina ange gi de manu alasala ne lagohia laa i de gadilaasa, gai tee magau.

Revelation 19:20

Gai de manu alasala laa ne nnoa, madali dono pelaabisi hadu muna ne haia laa denga hagailonga i ono mada i mua, ga hagasenga ai dangada, gilaadeu gi gaavee de maaga o de manu alasala laa, ma de daumaha ange gi dono diinonga. Gai gilaau ngaadahi gu maga ange gi lo te ahi ula i denga sulfur e sali laa bei de vai.