Matthew 13:27 - De Beebaa Dabu

²⁷ Aagai de gau hai hegau o tangada aamua laa ne loomai ga hai ange gi de ia, ‘Tangada aamua, koe ne doo denga golee danuaa i dau veelenga; gai go hee ne loomai ai nei denga helii baubau nei?’

Matthew 13:27 Iomraidhean Croise

Matthew 13:25

Aagai ga sseni huu dangada, gai dono hagadaumee ga humai ga doo ange denga helii baubau i magavaa o denga grain, gai ia ga hano gee mai i kilaa.

Matthew 13:26

Gai de masavaa huu ne ssomo age ai denga grain, gai gu ssomo age hogi denga helii baubau laa.

Matthew 13:28

Tangada aamua laa ne hai ange gi gilaadeu, ‘Go dogu hagadaumee ne dooa mee naa.’ Gai ono dangada hai hegau ga ssili ange gi de ia, ‘Koe e lodo gimaadeu gi hulo gi unuunusia age denga helii laa?’

Matthew 20:1

“Gai de nohoanga hodooligi o de langi e bei dagodo o dahi dangada aamua e oho laa e hano e ssala dangada gi hulo gi hai hegau i dana veelengaa grape.

Romans 16:17

Denga daina, au e dangidangi adu goodou gi dagidiiloo dangada e hagadee heloongoi ina laa magavaa o dangada, ma de haia mee e dee bei de hai oodou gu agoago ai. Goodou gi dee hagabuni ange gi gilaadeu.

1 Corinthians 16:10

Gai de masavaa naa huu o Timothy e dae adu ai gi oodou daha, gai goodou diiloo abodonu ange gi de ia, i hiidinga ia se daane hogi e haia hegau a Tagi Maolunga bei ogu dagodo.

2 Corinthians 6:1

Gimaadeu ni dangada e hai hegau hagabuni madali de Maadua, deenei ai, gimaadeu e dangidangi adu goodou gi dee hagangadi mee ina, de abodonu o de Maadua oodou gu kave naa.

2 Corinthians 6:4

gai gimaadeu gu hagaago danuaa adu i mee alodahi, bolo gimaadeu ni dangada hai hegau niio de Maadua: i demaadeu lodo mmahi i de golomagi lodo, i de masavaa o denga hagaduasala, ma mee hai ngadaa, aama mee hagamanavasaa,

James 4:4

Goodou dangada e dee hai hegau i de mee abodonu! Goodou e dee iloo laa bolo tangada e hai soa ange gi henua i lalo e hai baasi ange donu gi de Maadua? Deenei ai, be goai e lodo e hai soa ange gi henua i lalo, gai ia e hai donu ia gi se hagadaumee niio de Maadua.