Matthew 13:23 - De Beebaa Dabu

²³ Gai golee ne too ange laa gi honga de bela danuaa, go tangada e langona e ia muna laa ga donu ange aagena. Deenei tangada e hua lagolago: hanu e dagillau, hanu e dagimadaono, aagai hanu e dagimatolu e kii ange ai i mee ne doo laa.”

Matthew 13:23 Iomraidhean Croise

Ezekiel 18:31

Dilia oodou haisala alodahi gu haisala mai ai gi de au, gai hagahoou ina oodou lodo ma oodou hagasaalunga! Dangada o Israel, ni haigamaiana aha doodou maakau?

Ezekiel 36:26

Au e hagahoou naa oodou lodo, ma de gaavadu gi goodou dahi hagasaalunga hoou; au e aau gee de lodo makaga bei de hadu mai i oodou daha, gai ga gaavadu gi goodou de lodo e bei laa dagodo o kano hoou.

Matthew 12:33

“Noo e danuaa de manu somo, gai ono hua e danuaa hogi; gai noo e baubau de manu, gai ono hua e baubau hogi, go hiidinga dangada e madea de manu somo i ono hua.

Matthew 13:8

Gai hanu ne too ange gi honga de gelegele danuaa, aanei golee ne ssomo ga hhua: hanu e dagillau, hanu e dagimadaono, gai hanu e dagimatolu.

Matthew 3:10

Iainei gai de hagadaguu gu dagodo donu i daahido o denga manu ssomo. Deenei ai, manu ssomo alodahi e deai hua danuaa iai e sele iho naa donu ga tili ange gi lo te ahi.

Matthew 3:8

Goodou hagaagona mai i oodou hegau bolo goodou gu daahuli abodonu oodou lodo.

Mark 10:15

Ni muna abodonu aagu e hai adu nei gi goodou, be goai e dee gaavee de nohoanga hodooligi o de Maadua bei dagodo o tamaa gauligi, aagai ia e dee maua donu i de ulu ai.”

Mark 4:20

Hanu e bei denga golee ne too ange laa gi honga de gelegele danuaa; gilaadeu ne langona muna laa ga daohi i olaadeu lodo, gai gilaadeu gu hhua: hanu e dagimatolu, hanu e dagimadaono, gai hanu e dagillau.”

Luke 13:9

Aagai noo e hua i de ngadau e humai nei, gai gu danuaa; aagai noo e deai, gai koe ga sele iho.’ ”

Luke 8:15

Gai denga golee ne too ange laa gi honga de bela danuaa, go dangada e langona laa muna a de Maadua ga dugu i olaadeu lodo i de heohi ga daudali ai, gai gilaadeu gi lodo mmahi ga dae ai gi delaadeu hagadili hua.

Luke 8:8

Hanu ne too ange gi honga de bela danuaa, ga ssomo age ga hhua mai ai e dagillau.” Gai ga lava huu i dana tala ange mee nei, gai ia ga hai ange, “Be goai e hanu ono dalinga e hagallongo ai, gai ia gi hagalaangona.”

John 15:16

E dee go goodou ne hilia nei au, aagai go au ne hilia goodou ga hagadabu, ga hai goodou gi hulo gi haia gi lagolago oodou hua, gai oodou hua gi daakodo ga hano ai. Gai be se aha naa huu oodou e dangidangi ange ai gi Tamana i dogu ingoo, gai ia e gaavadu donu gi goodou.

John 8:47

Tangada se dama nii de Maadua e hagallongo muna a de Maadua. Goodou e dee hagallongo muna a de Maadua, go hiidinga goodou e dee ni dama nii de Maadua.”

Acts 16:14

Gai e dahi hahine i kilaa ne langona amaadeu agoago, dono ingoo go Lydia. Ia se hine e hagao ina denga malo purple, gai se hine mai i Thyatira e daumaha ange gi de Maadua. Gai Tagi Maolunga ne hhuge ono lodo gi hagalaangona ai e ia muna a Paul.

Acts 17:11

Gai de gau Ssuu i de mommee laa e kii ange de maalama olaadeu lodo i de gau Ssuu i Thessalonica, gilaadeu ne malangilangi donu i de hagallongo muna laa. Gai gilaadeu ne dau de Beebaa Dabu i laangi alodahi ga tilo ai be muna a Paul ni muna abodonu be deai.

2 Corinthians 9:10

De ia e gaavange golee a tangada hai veelenga ma pelaoaa e gai mee ai ia, e gaavadu naa hogi oodou mee, ma de hai gi laumalie tau gai o oodou heohi.

Philippians 1:11

Gai oodou mouli gu hoohonu i hua o de heohi ne daamada mai laa i mahi o Iesu Klisdo, e hagamahamaha ai ma de tuhi ai de Maadua.

Philippians 4:17

Au e dee se lodo i doodou mee ngadi gaavange, aagai ne lodo e hai gi laumalie de manuuia oodou e kave.

Colossians 1:10

Gai gi maua ai e goodou i de mouli bei dagodo lodo o Tagi Maolunga, ma de hagamalangilangi ia i mee alodahi, ma de hagadili hua danuaa i denga hegau danuaa alodahi, aama de hagadaga ange doodou iloo de Maadua.

Colossians 1:6

gu dae adu naa hogi gi goodou. Gai go de longo danuaa hogi gu hagadili ina laa hua lagolago aama de hagadagadaga age i henua i lalo alodahi — bei de hai gu hagadili ai naa hogi ono hua i oodou magavaa, mai i de laangi oodou ne langona ai ga tonu ange gi de abodonu o de Maadua.

1 Thessalonians 4:1

Aanei amaadeu muna hagaodi: denga daina, gimaadeu e iloo bolo goodou e hagamalangilangi donu de Maadua i oodou mouli, gai gimaadeu e dangidangi adu gi goodou i hiidinga o taadeu Dagi Maolunga go Iesu Klisdo, goodou haia gi kii ange doodou hai de mee nei, bei de hai amaadeu gu agoago adu ai goodou.

2 Thessalonians 2:10

aama hegau baubau alodahi e hagasengalia laa gilaadeu gu hagadabena ange e maakau. Gilaadeu e maakau i hiidinga gilaadeu tee llodo e kave de muna abodonu gi hagamouli ai gilaadeu.

Hebrews 4:2

Gai de longo danuaa ne gaamai gi gimaadeu bei de hai ne gaavange ai laa hogi gi gilaadeu; aagai agoago alaadeu ne langona teai haigamaiana ange gi gilaadeu, go hiidinga gilaadeu tee kave i de gai.

Hebrews 6:7

Gai de gelegele e dee modu de hagamaluulu i de langi e pala iho laa gi ono elunga, ma de ssomo ai manu e haigamaiana ange gi gilaadeu ne dooa, e hagamanuuia i daho de Maadua.

Hebrews 8:10

Gai deenei dagu hagatoo donu hagaheloongoi e hai madali dangada o Israel i dua laangi laa, go Tagi Maolunga e hagadaba: au e hai naa gi daakodo agu hainga i lodo alaadeu maanadu, ma de sisi ange gi olaadeu lodo. Gai au e hai naa go delaadeu Maadua, gai gilaadeu go ogu dangada.

2 Peter 3:18

Aagai goodou gi hagadagadaga age i de abodonu ma doodou iloo taadeu Dagi Maolunga, go de Ia Hagaola go Iesu Klisdo. Gidaadeu gi hagamahamaha ina ia iainei ga hano ai e dee ngado mai! Amen.

1 John 5:20

Gidaadeu e iloo bolo Tama Daane a de Maadua gu humai donu, gai ia gu hai gi tonu danuaa ange gidaadeu, gi iloo ai e gidaadeu de Maadua abodonu. Gai gidaadeu ga nnoho ai i lodo o de Maadua abodonu, i lodo o dana Dama Daane go Iesu Klisdo. Gai go ia donu de Maadua abodonu ma de mouli e dee ngado mai.