Matthew 13:22 - De Beebaa Dabu

²² Gai golee ne too ange laa gi magavaa o denga manu daladala, go tangada e langona e ia muna laa; aagai mee hagamanavasaa o henua i lalo nei, ma de lava e hagasengalia laa dangada ga hagakabi muna laa, gai tee maua gi hhua.

Matthew 13:22 Iomraidhean Croise

Psalm 52:7

“Goodou diiloo dagodo o tangada e dee haia de Maadua go dono mommee buibui makaga, aagai dana tali hagalodolodo go ono goloa lagolago, gai ia e hagadaga ange de mmahi i ana hegau baubau.”

Psalm 62:10

Aude hagadonusia denga goloa e hai gi de mahi, aude tali hagalodolodo ange gi denga goloa gaiaa; koe gi dee nnoo ange gi oo goloa, e dee galemu donu de lagolago oo goloa.

Proverbs 11:28

Be goai e tali hagalodolodo ange gi dono lava e hagadaga iho naa, aagai dangada heohi e bei naa de manu somo lau kohu.

Proverbs 23:5

De masavaa donu huu aau e gidee ai, gai gu dee maaleva, go hiidinga mee nei e llele ga hulo, bei de igele e lele laa ga hano gi lo te moana i lunga.

Ecclesiastes 4:8

E dahi dangada e noho sogosogo, e deai sana dama daane be se daina daane. Gai e dee maua donu gi lava ana hegau e hai, gai ia e dee maua hogi gi malangilangi i dono lava. Gai ia e hagadaba, “Goai donu oogu e hai hegau kona ange nei aagena, gai gu aha gu dee hai ai nei donu huu au de mee e danuaa mai gi de au?” De mee nei e deai hogi ono haigamaiana, gai se hegau hagadaemaha!

Jeremiah 4:3

Gai Tagi Maolunga e hai ange gi denga daane o Judah ma Jerusalem: “Hagabalabala ina oodou gelegele tigi hagabalabala laa, gai goodou aude dooa oodou manu i magavaa o denga manu daladala.

Matthew 12:32

Be goai e daalaa dahi muna e hai baasi ange ai gi Tama a Tangada, gai e tala donu ono haisala, aagai be goai e daalaa hanu muna e hai baasi ange ai gi de Hagasaalunga Dabu, gai e dee tala donu ono haisala iainei, aabe go de masavaa e humai.

Matthew 13:39

De hagadaumee ne dooa denga helii, go de ia hagabaubau laa. Aagai de masavaa o de hagihagi go de hagaodi o henua i lalo, gai de gau hagihagi go de gau de langi.

Matthew 13:40

Dagodo o de hagabudu o denga helii ga dudu i de ahi, e bei hogi dagodo o mee e hai i de hagaodi o henua i lalo.

Matthew 13:7

Hanu ne too ange gi magavaa o denga manu daladala, gai manu daladala laa ga ssomo age ga hagakabi gilaadeu.

Luke 12:15

Gai ia ga hai ange gi dangada, “Goodou kana ange dagidiiloo gi dee nnoo hagamau mee goodou; go hiidinga de mouli o tangada e dee go goloa lagolago.”

Luke 12:21

E bei ai hogi dagodo o tangada e hagabudu ina laa ga doange goloa lagolago, gai e dee lava i mee o de Maadua.”

Luke 21:34

“Goodou dagidiiloo gi dee hakoso oodou lodo i doodou dee saohia i de hai daonga ma de unu ga ssenga aama denga mee hagamanavasaa o de mouli nei, gai de laangi laa e daa hagalele de dae mai gi goodou bei dagodo o ssele.

Luke 8:14

Gai golee ne too ange laa gi magavaa manu daladala, go dangada ne langona laa muna nei, aagai ga hulo gee huu gilaadeu, gai muna laa gu haolia i denga maanadu hagamanavasaa, ma de lava, aama mee hagalodo danuaa alodahi o de mouli nei, gai olaadeu hua e dee maua gi maatua.

Acts 8:18

De masavaa a Simon ne gidee ai bolo dangada gu kave de Hagasaalunga ⌊Dabu⌋, i de dugu ange lima o luu daane tala laa gi olaadeu elunga, aagai ia ga gaavange hanu sseene gi gilaau,

Romans 12:2

Goodou gi dee hagadulagi ange gi dagodo o henua i lalo nei, aagai goodou gi suuia oodou dagodo, i de sui hagahoou oodou maanadu, gi maua ai e goodou i de hagatale ange ma de tonu abodonu gi lodo o de Maadua — e danuaa laa, gai e hagamalangilangi ma de heohi abodonu.

1 Corinthians 1:20

Gai go hee ai naa iai tangada heiangi? Gai go hee ai naa iai tangada sisi? Gai go hee naa iai tangada e hagadau gaavange i muna iainei? Gai de Maadua tee hai laa de heiangi o henua i lalo gi se lodo senga?

1 Corinthians 2:6

Gai gimaadeu ne agoago i muna o de heiangi i magavaa o dangada gu maatua abodonu, aagai e dee go de heiangi o de masavaa go iainei, aabe go de heiangi o denga dagi i de masavaa nei, go gilaadeu gu dai llilo.

1 Corinthians 2:8

Gai e deai donu se dagi o de masavaa go iainei e donu ange gi de mee nei. Noo gilaadeu ne tonu ange aagena, aagai gilaadeu tee daudau Tagi Maolunga mahamaha laa i de laagau lui.

1 Corinthians 3:18

Gai tangada gi dee hagasengalia donu huu ia. Noo dahi goodou e maanadu bolo ia se dangada heiangi i de mouli nei, gai ia gi se dangada senga, gi heiangi abodonu ai ia.

2 Corinthians 4:4

Gai de maadua o henua i lalo nei gu lava i de hai gi dee kide lodo o dangada e dee hagadonusia, gi dee gidee ai e gilaadeu de maalama o de longo danuaa ma de mahamaha o Klisdo, go ia de hagadulagi o de Maadua.

Galatians 1:4

Iesu Klisdo ne gaavange dono mouli i hiidinga odaadeu haisala, gai ia ga hagaola ai gidaadeu mai i de masavaa o de baubau go iainei, bei dagodo lodo o taadeu Maadua ma Tamana.

Ephesians 2:2

go doodou hai nogo mouli ai, goodou ne daudali i dahulinga o henua i lalo nei, ma de daudali ange i tagi mmahi o lo te langi, go de hagasaalunga e hai hegau i lodo o dangada e dee hagallongo ange gi de Maadua.

1 Timothy 6:17

Aagai koe daalaa ange gi de gau lava o henua i lalo, gilaadeu gi dee llodo maolunga aabe gi tali hagalodolodo ange gi de lava e dee maua laa gi dagodo daulooloa, aagai gi haia go de Maadua delaadeu tali hagalodolodo, go de ia e gaamai mee alodahi odaadeu e mouli ai ma de malangilangi ai.

2 Timothy 4:10

go hiidinga Demas gu kii mee o henua i lalo nei i dono lodo ai, ia gu tili au gai gu hano gi Thessalonica. Crescens gu hano gi Galatia, gai Titus gu hano gi Dalmatia.