Matthew 13:15 - De Beebaa Dabu

¹⁵ Go hiidinga de huaadangada nei e makaga olaadeu lodo, gai olaadeu dalinga gu longoduli, gai gu pono olaadeu ganomada; kana gidee naa e gilaadeu i olaadeu ganomada ma de langona i olaadeu dalinga, ga tonu ange i olaadeu lodo, ga daahuli olaadeu lodo, gai au ga hagaieiangi gilaadeu.’

Matthew 13:15 Iomraidhean Croise

Psalm 119:70

Olaadeu lodo gu makaga bei denga kiliisi, aagai au e malangilangi i au hainga.

Proverbs 16:30

Tangada e hagadabadaba ina laa luoono mada e maanadu de hai de baubau; gai tangada e hagalloa ina laa luoono malaungudu e noho e hai de baubau.

Isaiah 44:20

Ia gu gai donu denga lehu, gai ono lodo gu hagasenga ia; ia gu dee maua i de hagaola ia, aabe hagadaba, “E aha, e dee se mee hhadu aagu e poo nei i dogu lima madau?”

Isaiah 57:18

Au gu gidee donu ana haingaa mee, aagai au e hagaieiangi naa donu ia, au e dagi naa ia ma de hagaaneane ia, aama ono dangada e hinangalosaa,

Isaiah 6:10

Hagamakaga ina lodo o de huaadangada nei, haia olaadeu dalinga gi longoduli, gai haia olaadeu ganomada gi dee kide. Kana gidee e gilaadeu i olaadeu ganomada ma de langona i olaadeu dalinga, gai gilaadeu gu tonu ange i olaadeu lodo, ga daahuli olaadeu lodo, gai gilaadeu gu ieiangi.”

Jeremiah 17:14

Tagi Maolunga, hagaieiangi ina au, gi ieiangi ai au; hagaola ina au, gi ola ai au, i hiidinga go koe aagu e tuhi.

Jeremiah 17:9

Lodo o tangada e kii ange de laumalie de hagasenga iai i mee alodahi, gai e kona de hakino gee. Goai e maua gi donu ange aagena?

Jeremiah 3:22

“Denga dama dee hai hegau i de mee abodonu, goodou aahe mai; gai au ga hagaieiangi goodou gi hai hegau ai goodou i mee abodonu.” ⌊Dangada ne hai mai,⌋ “Uaa, gimaadeu e loomai naa gi de goe, i hiidinga go koe go Iahweh demaadeu Maadua!

Jeremiah 33:6

Aagai au e hai naa gi mmahi ma de hagaieiangi de aduhale nei; au e hagaieiangi naa ogu dangada ga hai gi nnoho paba gilaadeu ma de duadonu.

Hosea 14:4

Au e hagaieiangi naa gilaadeu mai i delaadeu hulo gee i de au ma de aloha ange gi gilaadeu, i hiidinga gu helui dogu lili i gilaadeu.

Zechariah 7:11

Aagai dangada tee hagallongo mai; gilaadeu ne huuhuli mai olaadeu dua gi de ia, ma de pono olaadeu dalinga gi dee langona ai e gilaadeu ana muna.

Malachi 4:2

Aagai dagodo o oodou dangada e hagadubu ina laa dogu ingoo: de laa o de heohi e sobo age naa ma ono gavegave e hagaieiangi ina laa dangada. Gai goodou e ssao naa ga hulo i de malangilangi, bei denga kaau gauligi gu hagassao mai laa i lo te buibui.

Mark 4:12

‘gi gidee ai e gilaadeu gai e dee madea; gai gi langona ai e gilaadeu, gai e dee tonu ange aagena, gi dee daahuli ai olaadeu lodo gai de Maadua ga degi ange gi olaadeu haisala.’ ”

Luke 19:42

ga hagadaba, “Noo anailaa nei koe ne iloo mee e haia ga noho baba goe — aagai iainei mee nei gu hagammuni i de goe.

Acts 28:27

Go hiidinga de huaadangada naa e makaga olaadeu lodo, olaadeu dalinga gu longoduli, gai gu pono olaadeu ganomada. Kana gidee naa e gilaadeu i olaadeu ganomada ma de langona i olaadeu dalinga, ga tonu ange i olaadeu lodo, ga daahuli olaadeu lodo, gai au ga hagaieiangi gilaadeu.’

Acts 3:19

Deenei ai, goodou daahuli oodou lodo gi sooloa ai oodou haisala, gai gi humai ai de masavaa o de ilaage i daho Tagi Maolunga,

Acts 7:57

Aagai dangada ga hevaalogi ma de pono olaadeu dalinga ga saavini mai ga poo ia.

2 Timothy 4:4

Gilaadeu e tili naa de muna abodonu, gai ga daudali ange i denga ngadi daalanga.

Hebrews 5:11

Gai e lagolago ange amaadeu mee e llodo e tala adu i dagodo o de mee nei, aagai e hai ngadaa i de hagadonu adu gi goodou, go hiidinga goodou ni dangada e ago ngadaa.

Revelation 22:2

ma e hano laa lo te ungaalodo o de haiava i lo te aduhale laa. Gai luu baasi o ssaalingaa vai laa e somo ai de manu o de mouli. Gai de manu nei e madaangahulu ma lua ono hagadaagangaa hua, gai e hua i denga malama alodahi. Gai lau o de manu laa e hagaieiangi magi o denga huaadangada alodahi.