Matthew 12:34 - De Beebaa Dabu

³⁴ Goodou dama a denga labodo hagammau! Dee hee doodou hai e maua ai i de tala hanu mee danuaa, gai goodou ni dangada baubau? Muna a tangada e hagaago mai donu mee i ono lodo.

Matthew 12:34 Iomraidhean Croise

Psalm 53:1

Tangada lodo senga e hagadaba i ono lodo, “E deai donu se Maadua.” Gilaadeu alodahi e hakino gee, alaadeu hegau e hai e baubau; e deai donu se dangada e haia tanuaa.

Psalm 64:3

Olaadeu alelo e kangi bei denga gadilaasa, gai alaadeu muna e bei dao hagamaakau o de mee hholu.

Psalm 64:5

Gilaadeu e hagadau hagammahi i alaadeu hagatau baubau; gilaadeu e madaangudu i de hai e hagammuni ai alaadeu sele; gilaadeu e hagataba, “Goai naa donu e gidee mee nei?”

Proverbs 16:23

Lodo o tangada heiangi e dagi ana muna e tala, gai ana muna e maua i de usuusu ange dangada.

Proverbs 4:23

Gai de mee e hagamogomogo ange i mee alodahi, go de dagitilo dagodo oo lodo, go hiidinga go kilaa iai mee o de mouli.

Isaiah 32:6

Go hiidinga tangada lodo senga e basa senga, ono lodo e hagasaele de hai de baubau; ana hegau e dee bei lodo o de Maadua, ia e hagadele muna hhadu i dagodo o Tagi Maolunga; ia e dee haangai ange gilaadeu e hiikai, ma tee hagaunu ange gilaadeu e hieunu.

Isaiah 59:14

Gai de hagamodu muna heohi gu buibuia, de heohi gu mmao gee; gai mee abodonu gu dee gidee i denga aduhale, gai de muna abodonu gu dee gidee hogi.

Isaiah 59:4

Gu deai donu dangada e daalaa de muna abodonu i de masavaa hagamodu muna e deai hogi e gaavange tangada gi de hainga i de muna abodonu. Dangada alodahi gu hagadonu alaadeu ngadi muna e hagadaumee ai ma alaadeu muna hadu; gilaadeu e hagahale denga hai ngadaa, ma de hai gi sula de baubau.

Isaiah 9:17

Deelaa ai, de Ia Aamua e dee malangilangi i alaadeu dama daane, be e lodo aloha ange gi alaadeu gauligi gu deai olaadeu damana, aabe go haahine gu maakau olaadeu bodu. Go hiidinga gilaadeu alodahi e dee hai hegau i mee heohi aama de baubau, gai muna a dangada alodahi e tala gu hakino gee. Gai mee nei alodahi tee maua i de hai gi helui dono lili, dono lima goi hagaabo donu huu.

Matthew 12:35

Tangada danuaa e hai tanuaa, go hiidinga ono lodo iai tanuaa. Aagai tangada baubau e hai de baubau, go hiidinga ono lodo iai de baubau.

Matthew 15:18

Aagai mee e ssao mai i lo te ngudu o tangada e loomai i lodo o tangada, aanei mee e haia ga dee gilimalali tangada.

Matthew 23:33

Goodou e bei denga labodo, gai ni dama nii denga labodo hagammau, dee hee doodou hai e hagaola ai goodou i de hagaduasala o de ahi?

Matthew 3:7

Aagai de masavaa huu a John ne gidee ai denga Pharisee ma Sadducee gu loomai hogi e babudaisi i ono daha, gai ia ga hai ange gi gilaadeu, “Goodou dama a denga labodo hagammau, goai ne hai adu goodou gi hagaola ina goodou mai i de bole gu dai humai laa?

Luke 3:7

Gai ia ne hai ange gi dangada soa ne loomai laa e babudaisi i ono daha, “Goodou dama a denga labodo hagammau! Goai ne hai adu goodou gi hagaola ina goodou mai i de bole gu dai humai laa?

Luke 6:45

Tangada danuaa e hai tanuaa i hiidinga ono lodo e honu i tanuaa, gai tangada baubau e hai de baubau i hiidinga ono lodo e honu i de baubau. Gai muna a tangada e hagaago mai donu mee i ono lodo.

John 8:44

Goodou ni dama donu nii de ia hagabaubau laa, gai goodou e hai lodo o doodou damana. Ia se dangada daa dangada mai i taamada age, ia e dee daohi de muna abodonu, go hiidinga e deai donu se muna abodonu i ono daha. Ia e hadu muna i hiidinga aalaa donu ono dagodo: ia se dangada hadu muna gai go tamana donu o de muna hhadu.

Ephesians 4:29

Goodou aude daalaa hanu muna baubau i oodou ngudu, aagai goodou daalaa donu huu muna danuaa e hagammahi ina lodo o dangada, ma de heohi ange gi de masavaa, ma de bale ange ai gilaadeu e langona.

Ephesians 5:4

Gai gi deai hogi vaivai muna, be ni muna llodo ssenga, be go de hakadanga i mee baubau. Mee nei e dee heohi donu i doodou hai; aagai goodou gi llodo i de hagaahe ange de abodonu.

James 3:2

E lagolago donu odaadeu mee e haisala ai, gai noo tangada e dee haisala i ana muna e tala, gai ia se dangada gu heohi abodonu, ia gu maua hogi i de dagi dono angaanga alodahi.

1 John 3:10

Gai deenei taadeu hai e madea ai dama a de Maadua ma dama a de ia hagabaubau laa: tangada e dee haia de mee heohi e dee se dama nii de Maadua, aabe go tangada e dee aloha i dono daina.

1 Samuel 24:13

Gai e bei de muna hagasengasenga madagidagi e hai ange laa, ‘Go daho de gau baubau e ssula age ai hegau baubau.’ Aagai au e dee hai baasi adu naa donu gi de goe.