Matthew 12:29 - De Beebaa Dabu

²⁹ Dee hee de hai a dahi e maua ai i de ulu i de hale o tangada mmahi e kave ai ono goloa, noo ia e dee nnoa i mua tangada mmahi laa? Gai ia ga maua i de gaiaa goloa i dono hale.

Matthew 12:29 Iomraidhean Croise

Isaiah 49:24

E aha, e maua e dahi i de kave gee goloa o taane mmahi, be go de hagaola de gau dee kii mai i tangada mmahi?

Isaiah 53:12

Deenei ai, au e vvae ange naa gi de ia dahi duuhanga madali de gau maolunga, gai ia e vaevae naa denga goloa o de hebagi madali denga daane mmahi; go hiidinga ia ne dugu ange dono mouli gi de magau; ia gu dau madali de gau haisala. Ia ne hagauda haisala o dangada soa, aama de dalodalo i hiidinga o de gau haisala.

Matthew 12:28

Aagai noo au e hai gi hulo gee denga hagasaalunga baubau i ssauaa o de Hagasaalunga o de Maadua, gai de nohoanga hodooligi o de Maadua gu dae mai donu gi oodou daha.

Matthew 12:30

Be goai e dee madali au e hai baasi mai donu gi de au; gai be goai e dee hagabudulia madali au, se dangada donu e hagassiia saele.

Mark 3:27

Aagai e deai hogi e maua i de ulu i de hale o taane mmahi e kave ai ono goloa, aagai ia e nnoa taane mmahi laa i mua. Gai ia ga maua i de gaiaa mee i dono hale.

1 John 3:8

Tangada e haisala se dama donu nii de ia hagabaubau, go hiidinga de ia hagabaubau gu haisala mai huu i taamada age. Aagai Tama Daane a de Maadua ne humai e oha hegau a de ia hagabaubau.

1 John 4:4

Aagai goodou e agu dama, goodou ni dama donu nii de Maadua, gai gu hagadee kii denga pelaabisi hadu muna laa, go hiidinga de ia e noho i oodou lodo e mmahi ange i de ia i henua i lalo nei.