Matthew 12:20 - De Beebaa Dabu

²⁰ Ia e dee hhadi donu de aalege gu dai hadi laa, be e diinei de wick gu dai made laa, ga dae ai gi dana hai gi sula de hagamodu heohi;

Matthew 12:20 Iomraidhean Croise

2 Kings 18:21

Tilo, dau tali go Egypt, go de henua e bei laa dagodo o togo madila gu hadi laa, gai e duuia ai naa de lima o tangada e hannagi ange aagena! Aanei dagodo o Pharaoh, de hodooligi o Egypt, ange gi dangada alodahi e daalia ange ia.

Psalm 147:3

Ia e hagaieiangi naa gilaadeu gu daemaha olaadeu lodo, ma de saabini olaadeu maanuga.

Psalm 51:17

Gai denga sigidaumaha o de Maadua e lodo ai go de daemaha de lodo i baubau; de Maadua, koe e dee hagangadi mee de lodo e daemaha i baubau aama de dahuli de lodo.

Isaiah 40:11

Ia e tilo ange naa dana hagabuulingaa ssiibi bei tangada hagaloosi ssiibi, ia e hagabudu naa ana ssiibi gauligi i luoono lima, ma de saabai gilaadeu i ono hadahada; gai ia e dagi maalie naa denga ssiibi e hanu laa alaadeu dama.

Isaiah 57:15

E hagadaba de Ia Maolunga Mmao go de Ia Aamua — go de ia e mouli ga hano ai, gai dono ingoo e dabu: “Au e noho i de mommee maolunga ma de dabu, aagai au e noho hogi i daho tangada e dahuli ono lodo ma de lodo maolalo, gai au ga hagamouli de hagasaalunga o tangada lodo maolalo aama de hagammahi lodo o dangada gu daahuli olaadeu lodo.

Ezekiel 34:16

Au e ssala naa ssiibi gu dee maleva laa, ma de hagaahe mai gilaadeu gu hulo gee. Au e saabini naa maanuga o ssiibi gu lagohia laa ma de hagammahi gilaadeu e baageaa, aagai au e daa naa gi maakau denga ssiibi pedi ma de mmahi. Au e hagaloosi ange naa gilaadeu i de hagamodu heohi.

Leviticus 10:20

Gai ga langona huu e Moses muna laa, gai ia gu baba ono lodo.

Matthew 11:28

Loomai gi de au, goodou alodahi e daalea ma de daemaha, gai au ga hagammabu goodou.

Matthew 11:7

Gai ga hulo gee huu luu agoago laa, gai Iesu ga basa ange gi dangada i dagodo o John, “Se aha oodou e hulo laa e tilo i de vao? Se madila e ilihia saele i de madangi?

Luke 4:18

“De Hagasaalunga o Tagi Maolunga e noho i ogu daha, go hiidinga ia gu hagadabu au gi agoagona ange de longo danuaa gi de gau hagaau aloha. Ia ne hai au gi humai gi hagassao ina mai gilaadeu i lo te hale pono, ma de hai gi kide gilaadeu e dee kide, ma de hagailaage gilaadeu e vaivai haia,

2 Corinthians 2:14

Aagai gi hagaahea ange de abodonu gi de Maadua e dagina laa gidaadeu i masavaa alodahi i lodo o Klisdo, bei dagodo o dangada gu kii laa, gai gidaadeu ga kave saele ai de namu kala o taadeu iloo ia i mommee alodahi.

2 Corinthians 2:7

deenei ai, goodou degi ange gi de ia ma de hagaaneane ina ono lodo, gi dee kona ai dono daemaha.

Revelation 6:2

Gai au ne galo age ga gidee dahi hoosa tea, gai de ia e gage ai e poo dahi mee hholu, gai gu dugu ange dahi hau gi honga dono biho, gai ia ga sao ga hano e hagamaakulu aama de hagadee kii.