Matthew 12:15 - De Beebaa Dabu

¹⁵ Iesu ne iloo e ia de mee nei, gai ia ga hano gee mai i kilaa, aagai ne soa dangada ne daudali ange i de ia. Aagai ia ga hagaieiangi denga magi alodahi.

Matthew 12:15 Iomraidhean Croise

Matthew 10:23

De masavaa naa huu oodou e vaivai haia ai i dahi aduhale, gai goodou saavini hulo gi de aduhale e mua ange. Ni muna abodonu aagu e hai adu nei gi goodou, Tama a Tangada e dae mai naa i mua doodou hulo gi aduhale hugadoo o Israel.

Matthew 19:2

Gai dangada soa ne daudali ange i de ia, gai ia ga hagaieiangi gilaadeu i kilaa.

Mark 6:56

Gai mommee alodahi o Iesu ne hano aagena, go aduhale vaaligiligi ma aduhale nnui, aama mommee i tua de aduhale, gai dangada ne hagadaakodo denga magi i denga mommee hagao mee. Gai gilaadeu ga dangidangi ange ia gi dugua ange denga magi, gi boogia ange de bido o dono malo, gai dangada alodahi ne boogia ange dono malo gu ieiangi.

Luke 5:22

Gai Iesu gu iloo e ia alaadeu maanadu, gai ia ga ssili ange gi gilaadeu, “Gu aha goodou gu maanadu ai naa bee naa i oodou lodo?

Luke 6:12

Dahi laangi ange gai Iesu ne hano gi de mounga e dalodalo ai, gai ia ne dalodalo ange gi de Maadua i de boo laa alodahi.

Luke 9:11

Aagai ga iloo huu e dangada soa, gai gilaadeu ga daudali ange i de ia. Gai ia ga abodonu ange gi gilaadeu ma de agoago ange gilaadeu i dagodo o de nohoanga hodooligi o de Maadua, ma de hagaieiangi gilaadeu e mmagi.

John 11:54

Deelaa ai, Iesu gu dee hagasula ange gi de gau Ssuu. Aagai ia ne hano gi dahi mommee i gaogao de vao, gi de aduhale go Ephraim, gai ia ga noho i kilaa madali ana dangada agoago.

John 7:1

Dua mee nei gai Iesu ne hagadaga saele i Galilee; ia tee hagadaga saele i Judea, go hiidinga de gau Ssuu e ssala de hai e daa ai ia gi magau.

John 9:4

De masavaa e ao ai de mee, gai gidaadeu e hagaduu ngae e hagalava hegau a de ia ne haia ngau gi humai. Gu baa mai de boo, go de masavaa e dee hai hegau ai dangada.

Galatians 6:9

Gidaadeu gi dee llodo baageaa i de hai tanuaa: go hiidinga gidaadeu e hagihagi naa donu hua o adaadeu hegau i de masavaa heohi, noo e dee duugia odaadeu lodo.

1 Peter 2:21

Gai deenei donu doodou mee ne hagahi ange aagena, go hiidinga Klisdo ne hagaduasala hogi i oodou hiidinga, gai ia gu gaavadu ai gi goodou dahi hagaago danuaa, gai goodou ga daudali ange ai i de ia.