Matthew 12:14 - De Beebaa Dabu

¹⁴ Aagai denga Pharisee ne ssao ga hulo e hagasaele ange delaadeu hai e daa ai Iesu gi magau.

Matthew 12:14 Iomraidhean Croise

Matthew 26:4

e hagasaele ange ai delaadeu hai e poo hagammuni ai Iesu e daa gi magau.

Matthew 27:1

Taiao age, gai de gau haimeedabu maolunga alodahi ma denga dagi ne hagabuni ga hagasaele delaadeu hai e daa ai Iesu gi magau.

Mark 14:1

De masavaa ne lua ai laangi i mua o Taonga Hagasili ma Taonga o Pelaoaa Dee Hagahua. Gai de gau haimeedabu maolunga ma de gau sisi ne ssala delaadeu hai e poo hagammuni ai Iesu e daa gi magau.

Mark 3:6

Gai denga Pharisee ga sasao ga hulo ga hagabuni madali dangada i de hagabuulinga o Herod, e ssala ai delaadeu hai e daa ai Iesu gi magau.

Luke 22:2

Aagai de gau haimeedabu maolunga ma de gau sisi ne hagasaele delaadeu hai e daa ai Iesu gi magau; gai gilaadeu e maatagu i dangada.

Luke 6:11

Aagai de gau sisi ma denga Pharisee gu llili mmao, gai gilaadeu ga daamada de hagasaele delaadeu hai e hai ai Iesu.

John 10:31

Gai de gau Ssuu ne poo age hogi denga hadu e maga ai ia,

John 10:39

Gai gilaadeu ne hagatale ange hogi de poo ia, gai ia ga hagaui i olaadeu lima, ga hano gee i kilaa.

John 11:53

Mai i de laangi laa gai gilaadeu ne hagasaele delaadeu hai e daa ai Iesu gi magau.

John 11:57

Gai de gau haimeedabu maolunga ma denga Pharisee gu hai ange gi dangada gi dagidiiloo be go hee o Iesu iai gi hagailoo ange gi gilaadeu, gai gilaadeu ga poo ai ia.

John 5:18

Deelaa ai, de gau Ssuu ne hagammahi ai laa e ssala de hai e daa ai ia gi magau; i hiidinga ia tee oha donu huu de laangi o Sabbath, aagai ia ne hagadaba bolo de Maadua go dono Damana, ia ne hagahedae ange ia gi de Maadua.

John 7:30

Gai gilaadeu ga hagatale de poo ia, gai teai ne maua i de poo ange gi de ia, go hiidinga tigi dae mai dono masavaa.

John 7:32

Gai ga langona huu e denga Pharisee muna a dangada e pasa ai laa, gai gilaadeu ma de gau haimeedabu maolunga ga hai gi hulo hanu dangada hagaloosi gi boogia Iesu.

John 7:44

Gai hanu dangada ne llodo e poo ia, gai teai donu se dangada ne poo ange gi de ia.

John 8:59

Gai gilaadeu ga poo age denga hadu e maga ai ia, gai Iesu ga hagalilo ga sao ga hano gee mai i de mommee o de temple.