Matthew 11:28 - De Beebaa Dabu

²⁸ Loomai gi de au, goodou alodahi e daalea ma de daemaha, gai au ga hagammabu goodou.

Matthew 11:28 Iomraidhean Croise

De Beebaa go Job 14:1

Tangada e haanau laa i daho de hine e sogoisi ono laangi e mouli ai, gai e honu i de hai ngadaa.

De Beebaa go Job 5:7

aagai tangada e haanau ange gi lodo hai ngadaa, bei denga galo ahi e lele laa ga hulo gi lunga.

Psalm 116:7

Dogu hagasaalunga, koe gi ahe ange gi noho baba, go hiidinga Tagi Maolunga gu abodonu adu gi de goe.

Psalm 32:4

De laangi ma de boo gai doo lima e hagadaemaha mmao au; gai gu deai ogu mahi bei de mahana o de masavaa hagamahana. Selah

Psalm 38:4

Au gu dee bau ange gi ogu mee gu haisala ai; gai gu bei dagodo o de mee hagauda daemaha.

Psalm 94:13

koe e hai ia gi noho baba i laangi hai ngadaa, ga dae ai gi de geli de haonga ange gi tangada baubau.

Ecclesiastes 1:14

Au gu gidee mee alodahi gu hai i lalo de laa; tilo, mee alodahi e deai donu olaadeu haigamaiana, gai e bei de ngadi doolohi a tangada de madangi.

Ecclesiastes 1:8

Mee alodahi e kona donu de hagadaalea, e hai ngadaa i de tala ono dagodo. Luu ganomada e dee maua gi lava alaau mee e tilo, luu dalinga e dee maua hogi gi lava alaau mee e hagallongo.

Ecclesiastes 4:8

E dahi dangada e noho sogosogo, e deai sana dama daane be se daina daane. Gai e dee maua donu gi lava ana hegau e hai, gai ia e dee maua hogi gi malangilangi i dono lava. Gai ia e hagadaba, “Goai donu oogu e hai hegau kona ange nei aagena, gai gu aha gu dee hai ai nei donu huu au de mee e danuaa mai gi de au?” De mee nei e deai hogi ono haigamaiana, gai se hegau hagadaemaha!

Isaiah 1:4

E vakaa naa de huaahenua haisalasala, ma de huaadangada e honu i de baubau, gai ni gauligi e haia de baubau, go dama e haia hegau hakino gee! Gilaadeu gu daahuli gee i Tagi Maolunga, gilaadeu gu hagangadi mee de Ia Dabu o Israel, gilaadeu gu huuhuli ange olaadeu dua gi de ia.

Isaiah 11:10

De laangi laa gai de uli o Jesse e duu age naa e hai ai de hagailonga ange gi denga huaadangada; gai denga huaahenua e hagabuni mai naa gi kilaa, gai dono mommee hagammabu e hai naa ga mahamaha.

Isaiah 28:12

go gilaadeu aana gu hai ange laa, “Deenei de mommee hagammabu, e hagamabu ai gilaadeu e daalea,” gai “deenei doodou hagamaabunga” — aagai gilaadeu e dee llodo e hagallongo ange.

Isaiah 61:3

ma de gaavange gi gilaadeu e hinangalosaa i Zion de hau mahamaha e sui ai lehu, ma de lolo o de malangilangi, e sui ai de hinangalosaa olaadeu lodo, ma de hakahu gilaadeu i de tuhi, e sui ai teai selaadeu tali. Gai gilaadeu e hagaingoo ange naa go denga oak o de heohi, a Tagi Maolunga ne doo laa e hagaago mai ai dono mahamaha.

Isaiah 66:2

E aha, e dee go dogu lima ne haia mee nei alodahi, deenei ai, gu hanu mee nei alodahi? go Tagi Maolunga e hagadaba. Deenei tangada aagu e hagadubu: go tangada e lodo maolalo ma de dahuli abodonu ono lodo, ma de bolebole i dono madagu i agu muna.

Jeremiah 31:25

Gai au e hai naa gi mmabu gilaadeu e daalea, ma de haangai gilaadeu gu deai olaadeu mahi.”

Jeremiah 35:16

Gai de aamuli a Jonadab tama a Recab ne daohi muna a delaadeu dubuna ange gi gilaadeu, aagai de huaadangada nei tee hagallongo mai donu gi de au.

Jeremiah 6:16

E hagadaba Tagi Maolunga, “Goodou tuu i sugusuguinga o denga haiava diiloo ai, gai ssili be i hee denga haiava madagidagi, ma de ssili be i hee de haiava danuaa, gai goodou ga seesee i ono lodo, gi maua ai e oodou hagasaalunga i de hagamaabunga. Aagai goodou e hagataba, ‘Gimaadeu e dee seesee donu i de haiava laa.’

Matthew 11:29

Hagauda ina dagu mee hagauda, ma de agoago i ogu daha, go hiidinga au e daudonu ma de lodo maolalo; gai goodou ga maua de hagammabu oodou hagasaalunga.

Matthew 23:4

Gilaadeu e noonooa ange mee hagauda daemaha gi honga o dangada, aagai gilaadeu e dee hai donu dahi olaadeu madannia daudahi e hagauda ai mee nei.

John 6:37

Dangada alodahi a Tamana e gaamai gi de au e loomai naa donu gi de au; aagai au e dee haihai naa donu ga tili tangada e humai gi de au.

John 7:37

Gai de laangi hagaodi o taonga, go de laangi maolunga hugadoo, gai Iesu ne duu age ga oo ga hagadaba, “Be goai e hieunu, gai ia gi humai gi unu i ogu daha.

Acts 15:10

Deenei ai, gu aha goodou gu hagatale ai naa de Maadua iainei, i doodou hagauda ange gi honga o dangada gu hagadonusia denga hainga adaadeu ma odaadeu dubuna madagidagi tee maua i de daudali ai?

Acts 20:35

Au ne hagaago adu gi goodou i mee alodahi bolo e heohi doodou hai hegau ga bale ai hogi gilaadeu e baageaa, ma de hagamaanadu muna a Tagi Maolunga go Iesu ne hagadaba ai laa, ‘E kii ange de laumalie de manuuia i de ngadi gaavange i taadeu kave dahi mee.’ ”

Galatians 5:1

Klisdo ne hai ga ilaage gidaadeu, gai gi ilaage abodonu ai gidaadeu. Deenei ai, goodou tuu gi makaga, gai gi dee aahe ange gi haia goodou gi ni dangada hai hegau e dee ilaage.

2 Thessalonians 1:7

ma de hagamaamaane oodou lodo i doodou vaivai haia aama gimaadeu hogi, i de laangi o Tagi Maolunga go Iesu e hagasula mai ai i de langi, madali ono dangada de langi mmahi,

Hebrews 4:1

Deenei ai, go hiidinga goi dagodo huu de hagatoo donu e ulu ai i de hagamaabunga laa, gidaadeu gi maatagu, kana dee maua e dahi goodou i de ulu ai.

Revelation 22:17

Gai de Hagasaalunga ⌊Dabu⌋ ma de Hine gu dai hagahai bodu laa e hagataba, “Loomai.” Tangada e langona muna nei gi hagadaba, “Loomai.” Gai tangada e hieunu gi humai gi unu, gai tangada e lodo gi unumia vai o de mouli e dee hagao laa.