Matthew 11:21 - De Beebaa Dabu

²¹ “E vakaa naa goe, Korazin! E vakaa naa goe, Bethsaida! Go hiidinga noo denga mee hagalele mouli ne hai i ooluu daha ne hai i Tyre ma Sidon, gai dangada i kilaa ne daahuli olaadeu lodo madagidagi, ga kahu i malo daladala ma de hulu i lehu.

Matthew 11:21 Iomraidhean Croise

De Beebaa go Job 42:6

deenei ai, au gu kino i ogu dagodo, gai au gu dahuli ogu lodo ma gu noho i lodo lehu.”

Jeremiah 13:27

Au gu gidee dagodo o doo dagodo haisala, ma doo senga ange gi de hai be se manu, ma dahulinga hakino gee, i honga denga duuduu ma lodo duu malaelae. Jerusalem, e vakaa naa goe! Go aahee maa loo oou e maua ai gi gilimalali?”

Joel 3:4

Tyre ma Sidon, aama Philistia alodahi, ni aha oodou gu hai mai nei gi de au? Goodou gu llodo nei e sui mai agu mee gu hai adu gi goodou? Noo goodou e llodo e sui mai gi de au, gai e moolau naa donu dagu sui adu oodou hegau gu hai.

Amos 1:9

E hagadaba Tagi Maolunga: “Tolu hanonga o Tyre e haisala ai, ga dae ai loo gi de haa hanonga, gai au e dee tuu donu dono hagaduasala. Go hiidinga gilaadeu ne noonoa dahi huaadangada ga gaavange gi de gau Edom; gilaadeu tee manadua de hagatoo donu hagaheloongoi madali olaadeu daina.

Matthew 11:22

Aagai au e hai adu gi goodou, de hagaduasala o Tyre ma Sidon e maamaane ange i de laangi hagamodu muna.

Matthew 15:21

Iesu ne hano gee mai i kilaa ga hano gi de ungaamee o Tyre ma Sidon.

Matthew 18:7

“E vakaa naa henua i lalo, i hiidinga o alaadeu mee e hai ga hagahaisala ai dangada! Mee nei e hai naa donu, aagai e vakaa naa tangada e haia mee nei!

Matthew 26:24

Tama a Tangada e hano naa donu bei de hai gu sisi ai ono dagodo, aagai e vakaa naa tangada e gaavange Tama a Tangada! E danuaa ange noo ia tee haanau.”

Mark 3:8

ma mai i Jerusalem, ma Idumea, ma mai i denga mommee i baasi dua o Jordan, aama mai i Tyre ma Sidon. Gilaadeu ne langona dagodo o hegau alodahi a Iesu gu hai, gai gilaadeu ga loomai gi ono daha.

Mark 6:45

Gai Iesu ga hagamoolau ga hai ana dangada agoago, gi kage i de boose gi hulo i ono mada i mua, gi de mommee go Bethsaida i de baasi gee de vai, gai ia ne noho ga hai gi hulo dangada.

Mark 7:24

Iesu ne hano gee hogi i kilaa ga hano gi de ungaamee go Tyre. Gai ia ne hano ga noho i dahi hale i kilaa; gai ia tee lodo gi iloo e dangada, aagai ia tee maua i de mmuni i dangada.

Mark 7:31

Iesu ne hano gee hogi i Tyre ga hano laa Sidon e hano iho ai gi de Vai o Galilee, i de ungaamee o Decapolis.

Mark 8:22

Gilaadeu ne hulo ga tae gi Bethsaida, gai hanu dangada ne dagi mai dahi daane dee gide gi Iesu, ga dangidangi ange ia gi boogia ange luoono mada.

Luke 4:26

gai Elijah tee hai gi hano gi dahi gilaadeu, gai ne hai gi hano gi Zarephath, dahi aduhale o Sidon, gi daho dahi hahine gu magau dono bodu i kilaa.

Luke 6:17

Gai Iesu ne hano iho madali gilaadeu ga duu i dahi mommee soe. Gai ana dangada agoago soa gu i kilaa aama de hagabuulingaa dangada soa mai i Judea, ma Jerusalem, aama mai i denga mommee i tagudai o Tyre ma Sidon;

Luke 9:10

De masavaa o de gau tala ne aahe mai ai, gai gilaadeu ga tala ange gi de ia mee alodahi alaadeu ne hai. Aagai Iesu ga kave gilaadeu madali ia ga hulo ai gi de aduhale e hagaingoo ange laa go Bethsaida.

John 1:44

(Philip se daane Bethsaida, go de aduhale hogi o Andrew ma Peter ne loomai ai.)

John 12:21

Gai gilaadeu ne loomai gi daho Philip, taane Bethsaida i Galilee, ga hai ange, “Tangada aamua, gimaadeu e llodo e hedae ange gi Iesu.”

Acts 12:20

De masavaa laa gai Herod gu lili i de gau Tyre ma de gau Sidon, gai gilaadeu ne hagabuni ga loomai e hedae ange gi de ia. Gai dua delaadeu maua de bale mai i daho Blastus, go dahi daane hai hegau o de hodooligi, gai gilaadeu ne dangidangi i de hagadanuaa olaadeu magavaa ma Herod, go hiidinga delaadeu henua e kave alaadeu gai mai i de henua o de hodooligi.

Acts 27:3

De laangi i ono dua gai gimaadeu ne tau i Sidon; gai Julius ne abodonu ange gi a Paul, ga dugu ange ia gi hano gi daho ono soa, gai gilaadeu ga bale ange ai ia.

Jude 1:11

Gilaadeu e vakaa naa donu! Go hiidinga gilaadeu e seesee i de haiava o Cain, ma de hai gi maua alaadeu mee, bei hegau dee heohi a Balaam, gai gilaadeu e maakau bei dagodo o Korah i de hai alaadeu hai.

Revelation 11:3

Gai au e hai naa gi hulo luoogu dangada tala hagadonu gi pasa pelaabisi i e 1,260 laangi, gai gilaau e kahu naa i malo daladala.”

Revelation 6:12

Gai de masavaa aana ne oha ai de ono mee hagamakaga laa, gai au ne gidee bolo gu kona de ngalungalue de henua; de laa gu gohu bei de malo daladala uli, gai de maasina alodahi gu mmea bei denga dodo,