Matthew 11:17 - De Beebaa Dabu

¹⁷ ‘Gimaadeu e hagadangidangi i denga flute, gai goodou e dee aanu! Gimaadeu e hua taahili o de magau, gai goodou e dee hinangalosaa!’

Matthew 11:17 Iomraidhean Croise

Genesis 50:10

Gai gilaadeu ga hulo gu tae gi de mommee hili huamanu o Atad, se mommee i de baasi gee o Jordan, gai gilaadeu ga tangi ma de hinangalosaa i kilaa. Gai ne hidu laangi a Joseph ne hinangalosaa ai i dono damana.

1 Kings 1:40

Gai dangada alodahi ne hagadangidangi i denga flute ma de hevaalogi i de malangilangi ga daudali mai ai i ono dua, gai de henua gu ngalungalue i delaadeu hevaalogi.

Isaiah 30:29

Aagai goodou e daahili naa bei doodou daahili i de boo oodou e hai ai dahi daonga dabu; goodou e malangilangi naa bei de masavaa o dangada e ili ai denga flute, ga daga age ai gi de mounga o Tagi Maolunga, go de Baba makaga o Israel.

Jeremiah 31:4

De bua moe go Israel, au e hagaduu age naa goe, gai koe e duu age naa donu! Gai koe e hagadangidangi naa i dau tambourine ma de anu ai i doo malangilangi.

Matthew 11:16

Gai se aha aagu e hagadagodo ange aagena de atangada nei? Gilaadeu e bei dagodo o denga gauligi e nnoho laa i de mommee hagao mee, ma e hagaagahi ai olaadeu soa ma e hai ange,

Matthew 11:18

Go hiidinga John ne humai gai ia tee gaimee aabe ne unu uvaini, aagai gilaadeu ne hagataba, ‘De hagasaalunga baubau e noho i ono daha’.

Matthew 9:15

Iesu ne ssili ange gi gilaadeu, “E maua e gilaadeu ne saalaa i taonga hagahai bodu gi hinangalosaa, i de masavaa o taane gu dai hagahai bodu e noho ai i olaadeu daha? Gai e loomai naa donu laangi e kave gee ai taane gu dai hagahai bodu i olaadeu daha, gai gilaadeu ga hagahiikai ai.

Matthew 9:23

Gai ga dae huu Iesu gi de hale o tagi laa, gai ia gu gidee dangada e hagadangidangi i denga flute, gai dangada soa gu hellumi,

Luke 15:25

De masavaa laa gai tama madua gu hano gi de mommee iai denga veelenga; gai ga ahe mai huu ia ga baa mai gi de hale, gai ia gu langona dangada e hagadangidangi i madila ma de aanu.

Luke 23:27

Gai dahi hagabuulingaa dangada soa ne daudali ange i de ia, madali denga haahine e hinangalosaa laa ma de tangi i ono hiidinga.

Luke 7:32

Gilaadeu e bei dagodo o denga gauligi e nnoho laa i de mommee hagao mee, ma de hagadau pasa i olaadeu magavaa, ‘Gimaadeu e hagadangidangi i denga flute, gai goodou e dee aanu! Gimaadeu e daahili i taahili o de magau, gai goodou e dee tangi!’

Luke 8:52

Gai dangada alodahi i kilaa e tangi ma de tangi see i hiidinga o tamaa hine laa. Aagai Iesu ga hai ange, “Goodou aude tangi, tamaa hine nei tigi magau donu, ia e seni donu huu!”