Matthew 10:40 - De Beebaa Dabu

⁴⁰ Be goai e abodonu adu gi goodou, e abodonu mai donu gi de au; gai be goai e abodonu mai gi de au, e abodonu ange donu gi de ia ne haia nei au gi humai.

Matthew 10:40 Iomraidhean Croise

1 Kings 18:4

gai de masavaa a Jezebel ne daa ai ga maakau denga pelaabisi o Tagi Maolunga, gai Obadiah ne kave e lau pelaabisi ga hagammuni, i lodo e lua haonga i gaogao de mounga, e dagidinolima i de haonga, gai ia ne gaamai denga gai ma vai ga haangai ai gilaadeu.)

Jeremiah 39:17

Aagai au e hagaola naa goe i de laangi laa, go Tagi Maolunga e hagadaba; gai koe e dee dugu ange naa donu gi denga daane oou e madagu ai naa.

Matthew 18:5

Be goai e abodonu ange gi dahi gauligi damaa mee bee nei i hiidinga dogu ingoo, gai ia e abodonu mai donu gi de au.

Matthew 25:40

Gai de Hodooligi e hai ange naa gi gilaadeu, ‘Ni muna abodonu aagu e hai adu nei gi goodou, mee alodahi oodou ne hai ange gi dahi ogu daina maolalo nei, gai goodou ne hai mai donu gi de au!’

Matthew 25:45

Aagai ia e basa ange naa ga hai ange gi gilaadeu, ‘Ni muna abodonu aagu e hai adu nei gi goodou, mee alodahi oodou tee hai ange gi dahi gilaadeu e maolalo nei, gai goodou tee hai mai donu gi de au.’

Mark 9:37

“Be goai e abodonu ange gi dahi gauligi bei tamaa gauligi nei i hiidinga o dogu ingoo, gai ia e abodonu mai donu gi de au. Gai be goai e abodonu mai gi de au, gai ia e abodonu ange donu gi de ia ne haia nei au gi humai.”

Luke 10:16

Tangada e hagalaangona oodou muna e hagallongo donu agu muna; gai tangada e kino i goodou e kino donu i de au. Aagai tangada e kino i de au e kino donu hogi i de ia ne haia nei au gi humai.”

Luke 9:48

gai ia ga hai ange gi gilaadeu, “Be goai e abodonu ange gi tamaa gauligi nei i hiidinga dogu ingoo, e abodonu mai donu gi de au; gai be goai e abodonu mai gi de au, e abodonu ange donu gi de ia ne haia nei au gi humai. Go hiidinga be goai naa huu e maolalo i oodou magavaa alodahi gai go ia e maolunga.”

John 13:20

Ni muna abodonu, ni muna abodonu aagu e hai adu nei gi goodou, be goai e abodonu ange gi tangada aagu e hai gi humai e abodonu mai donu gi de au; gai be goai e abodonu mai gi de au e abodonu ange donu gi de ia ne haia ngau gi humai.”

John 20:21

Gai Iesu ga hai ange hogi gi gilaadeu, “De baba gi dagodo i oodou daha. Tamana ne hai au gi humai, gai au e hai naa hogi goodou gi hulo.”

John 5:23

gai gi odi ai dangada alodahi i de hagadubu Tama, bei delaadeu hagadubu Tamana. Tangada e dee hagadubulia Tama e dee hagadubu hogi Tamana ne haia laa gi humai Tama.

2 Corinthians 5:20

Deenei ai, gimaadeu go sui o Klisdo, e dagodo be go de Maadua e dangidangi adu gi goodou i omaadeu daha. Gai gimaadeu e sui Klisdo e dangidangi adu ai gi goodou: goodou gi hagadanuaa ina oodou magavaa ma de Maadua.

Galatians 4:14

Gai e dee galemu donu dogu magi ne hai ga hai ngadaa goodou, aagai goodou tee kino donu aabe ne hagangadi mee au, aagai goodou ne hai au bei dagodo o dahi dangada de langi o de Maadua, gai e dagodo be go au donu go Klisdo Iesu.

1 Thessalonians 4:8

Deenei ai, tangada e hagangadi mee ina hainga nei e dee hagangadi mee dangada, gai ia e hagangadi mee donu de Maadua, go de ia ne gaavadu gi goodou dono Hagasaalunga Dabu.

2 John 1:9

Tangada e hai ga dubu ange aama tee daudali i agoago a Klisdo, de Maadua e dee noho donu i ono daha. Tangada e daudali i agoago nei, gai Tamana ma Tama Daane e nnoho donu i ono daha.