Matthew 10:33 - De Beebaa Dabu

³³ Aagai be goai e hagadee iloo ina au i madamada o dangada, gai au e hagadee iloo naa hogi ia i mada luu mada o dogu Damana i de langi.

Matthew 10:33 Iomraidhean Croise

Isaiah 59:13

Gimaadeu ne hagamaanege ma de hagadee iloo Tagi Maolunga, gimaadeu ne daahuli gee i demaadeu Maadua; gimaadeu ne hai denga hagatau hagadaemaha ma de hai baasi, gimaadeu e tala muna hhadu ne loage laa i omaadeu lodo.

Mark 14:30

Iesu ne hai ange gi de ia, “Ni muna abodonu aagu e hai adu nei gi de goe, aaboo nei, i mua de goo o de gaagoo daane i e lua hanonga, gai koe e hagadee iloo naa donu au i e dolu hanonga.”

Mark 14:72

De masavaa laa donu huu gai gu goo de gaagoo daane i de lua hanonga. Gai Peter gu manadua e ia muna a Iesu ne hai ange gi de ia, “I mua de goo o de gaagoo daane i de lua hanonga, gai koe e hagadee iloo naa donu au i e dolu hanonga.” Gai ia gu dangi mmao.

Mark 8:38

Be goai e dogaa i de au ma agu muna i magavaa o de atangada baubau ma de haisalasala nei, gai Tama a Tangada e dogaa naa hogi i de ia, i dono masavaa e ahe mai ai i de mahamaha o dono Damana madali de gau de langi dabu.”

Luke 12:9

Aagai be goai e hagadee iloo ina au i madamada o dangada, gai au e hagadee iloo naa hogi ia i madamada o de gau de langi o de Maadua.

Luke 22:57

Aagai Peter ga hagadee iloo muna laa, ga hai ange, “De hine nei, au e dee iloo donu ia!”

Luke 9:26

Be goai e dogaa i de au ma agu muna, gai Tama a Tangada e dogaa naa hogi i de ia i dono masavaa e ahe mai ai ma dono mahamaha, ma de mahamaha o Tamana, aama de gau de langi dabu.

2 Timothy 2:12

Noo gidaadeu e duudagi de golomagi odaadeu lodo, gai gidaadeu e dagi naa hogi madali ia. Noo gidaadeu e hagadee iloo ia, gai ia e dee hagadee iloo naa hogi gidaadeu;

2 Peter 2:1

Gai gu hanu donu pelaabisi hadu muna ne ssula age i magavaa o dangada, gai e hanu naa hogi dangada agoago hadu muna e loomai gi oodou magavaa. Gilaadeu e hagammuni naa delaadeu gaamai denga agoago hadu muna ma de hagamanavasaa, ga hagangadi mee ai de Ia Aamua ne hagao ina gilaadeu; gai gilaadeu e hai naa donu ga moolau delaadeu hagaduasala.

1 John 2:23

Gai noo tangada e hagadee iloo Tama, gai Tamana e dee noho hogi i ono daha. Tangada e daalaa hagadonu dagodo o Tama, gai Tamana e noho donu hogi i ono daha.