Matthew 10:26 - De Beebaa Dabu

²⁶ “Deenei ai, goodou gi dee maatagu i dangada, go hiidinga mee alodahi e hagammuni e hagaago mai naa donu, aagai mee alodahi e dee iloo e hai naa donu ga iloo.

Matthew 10:26 Iomraidhean Croise

Proverbs 10:9

Tangada e hai hegau laa i de mee abodonu e noho baba, aagai tangada e seesee laa i denga haiava dee heohi e gidee mai naa ono dagodo.

Proverbs 28:1

Tangada baubau e savini naa ga hano, e dee galemu donu teai dangada e dolohia ia, aagai tangada heohi e lo taane bei de laiono.

Proverbs 29:25

Doo madagu i tangada e nnoa goe bei ssele, aagai be goai e hagadonusia Tagi Maolunga e ola.

Ecclesiastes 12:14

Go hiidinga de Maadua e hagamodu naa dagodo o hegau alodahi, ma mee alodahi ne hai hagammuni laa, e dee hilihili be danuaa aabe baubau.

Isaiah 41:10

Gai koe gi dee madagu, go hiidinga au madali goe, aude manavasaa oo lodo, i hiidinga go au donu doo Maadua. Go au e hagammahi ina goe, ma de bale adu goe; go au donu e daohia age goe i dogu lima madau i de heohi.

Isaiah 41:14

De ilo go Jacob, aama Israel damaa mee, koe gi dee madagu, i hiidinga go au donu e bale adu goe, go Tagi Maolunga e hagadaba, de ia ne hagaola ina goe, go de Ia Dabu o Israel.

Jeremiah 1:8

Aude madagu donu i gilaadeu, go hiidinga au madali goe ma de hagaola goe,” go Tagi Maolunga e hagadaba.

Ezekiel 2:6

Gai koe, tama a tangada, aude madagu i gilaadeu ma alaadeu muna, e dee galemu donu de duuli a denga manu duiduia ma manu daladala goe, ma doo noho i magavaa o denga manu manga lua. Gai koe aude madagu donu i alaadeu muna e tala adu gi de goe, aabe gi madagu i olaadeu mada, e dee galemu donu gilaadeu ni dangada hagamaanege.

Matthew 10:28

Goodou gi dee maatagu i gilaadeu e daia ga magau de angaanga nei, aagai e dee maua e gilaadeu i de daa gi magau de hagasaalunga. Gai goodou gi maatagu i de Maadua, go de ia e maua i de daa ngaadahi de hagasaalunga ma de angaanga i de ahi.

Mark 4:22

Go hiidinga mee alodahi e hagammuni e hagaago mai naa donu, gai mee e dee iloo e hai naa ga iloo.

Luke 24:47

gai de dahuli o de lodo ma de degi ange gi haisala, e agoago ange naa gi denga huaahenua alodahi i dono ingoo, gai e daamada mai i Jerusalem.

Luke 8:17

Mee alodahi e hagammuni e odi naa donu i de hagaago mai, aagai mee e dee iloo laa e odi naa i de hai ga iloo.

Acts 1:8

Aagai goodou e kave naa ssauaa i dua de hano iho o de Hagasaalunga Dabu gi oodou elunga; gai goodou e hai naa ga ni dangada e daalaa hagadonu ogu dagodo i Jerusalem, ma Judea alodahi, aama Samaria, ga dae ai loo gi de bido laa o henua i lalo.”

Acts 4:13

Gai ga gidee huu e gilaadeu de lo taane o Peter ma John, gai gilaadeu gu llele mouli i delaadeu iloo bolo gilaau ni dangada tee skuulu, gai e bei donu huu dagodo o dangada ange laa. Gai gilaadeu ne manadua hogi bolo gilaau ni daane nogo daudali ange i Iesu.

Acts 4:19

Aagai Peter ma John ga hai ange gi gilaadeu, “Dee hee de mee e heohi i mada luu mada o de Maadua, go demaau hagallongo adu gi goodou, aabe go demaau hagallongo ange gi de Maadua?

1 Corinthians 4:5

Deelaa ai, goodou gi dee hagamodu ina dahi mee i mua de humai o Tagi Maolunga, go de ia e hagaagona mai mee alodahi e hagammuni laa i lo te gohu, ma de hagaago mai maanadu alodahi i de lodo. Gai de Maadua ga tuhi ai dahi ma dahi.

1 Peter 3:14

Aagai e dee galemu naa donu noo goodou gu hagaduasala i doodou hai de mee heohi, gai goodou gu manuuia. Goodou gi dee maatagu i gilaadeu aabe gi manavasaa oodou lodo.