Matthew 10:22 - De Beebaa Dabu

²² Gai dangada alodahi e kino naa i goodou i hiidinga o dogu ingoo. Gai be goai e lodo mmahi ga dae ai gi de hagaodi, gai ia e hagamouli.

Matthew 10:22 Iomraidhean Croise

Proverbs 29:27

Tangada heohi e kino i tangada baubau, gai tangada baubau e kino i tangada e haia de mee heohi.

Matthew 10:39

Be goai e gidee dono mouli e tili donu; gai be goai e tili dono mouli i ogu hiidinga e kave donu de mouli.

Matthew 24:13

Aagai tangada naa huu e lodo mmahi ga dae ai gi de hagaodi, gai ia e hagamouli.

Matthew 24:9

Dangada e gaavange naa goodou e hagaduasala ma de daa goodou ga maakau, gai dangada alodahi e kino naa i goodou i hiidinga o dogu ingoo.

Matthew 5:11

E manuuia goodou noo e pasa baubau dangada i goodou, ma de vaivai hai goodou, aama de tala denga hagadaagangaa muna hhadu, e hai baasi adu ai gi goodou i ogu hiidinga.

Mark 13:13

Gai dangada alodahi e kino naa i goodou i hiidinga o dogu ingoo. Aagai be goai e lodo mmahi ga dae ai gi de hagaodi e hagamouli donu.

Luke 21:17

gai dangada alodahi e kino naa i goodou i hiidinga o dogu ingoo.

Luke 21:19

Noo goodou e hagaduu ngae i de golomagi lodo, gai goodou e maua donu de mouli.

Luke 6:22

E manuuia goodou noo dangada e kino i goodou, ma de vvae gee goodou ma de pasa baubau i goodou, ma de hagangadi mee goodou ma de hagamalaia goodou i hiidinga o Tama a Tangada!

Luke 8:15

Gai denga golee ne too ange laa gi honga de bela danuaa, go dangada e langona laa muna a de Maadua ga dugu i olaadeu lodo i de heohi ga daudali ai, gai gilaadeu gi lodo mmahi ga dae ai gi delaadeu hagadili hua.

John 17:14

Au gu gaavange gi gilaadeu au muna; gai henua i lalo e kino i gilaadeu, i hiidinga gilaadeu e dee ni mee mai henua i lalo, bei ogu dagodo, au e dee se mee mai henua i lalo.

John 7:7

Henua i lalo e dee kino i goodou, aagai e kino i de au, go hiidinga au e tala bolo hegau e hai i henua i lalo e baubau.

Acts 9:16

gai au e hagaago ange naa gi de ia de lagolago mee oona e hagaduasala ai i hiidinga dogu ingoo.”

Romans 2:7

gilaadeu ne duudagi de hai mee danuaa gi maua ai e gilaadeu de tuhi, ma de hagadubu, aama de angaanga e dee magau laa, gai ia ga gaavange ai gi gilaadeu de mouli e dee ngado mai.

2 Corinthians 4:11

Gai gimaadeu e mouli laa, e dee mmao gee donu i de magau i hiidinga de ingoo o Iesu, gi sula danuaa mai ai dagodo de mouli o Iesu i omaadeu angaanga magaugau nei.

Galatians 6:9

Gidaadeu gi dee llodo baageaa i de hai tanuaa: go hiidinga gidaadeu e hagihagi naa donu hua o adaadeu hegau i de masavaa heohi, noo e dee duugia odaadeu lodo.

Hebrews 3:14

Go hiidinga gidaadeu e dau madali Klisdo, noo gidaadeu e daohi gi makaga taadeu llodo mmahi mai i taamada ga dae ai gi de hagaodi.

Hebrews 6:11

Gai gimaadeu e llodo goodou alodahi gi duudagi ina de hai hegau hagammahi ga dae ai gi de hagaodi, gi maua abodonu ai e goodou mee oodou e tali hagalodolodo ange laa aagena,

James 1:12

E manuuia tangada e lodo mmahi i dono masavaa e hagataalea ai, go hiidinga noo ia e duu ga makaga i lo te hagatale, gai ia e kave donu de hau o de mouli, go de mee a de Maadua gu hagatoo donu ange gi gilaadeu e aaloha i de ia.

1 John 3:13

Denga daina, goodou gi dee llele oodou mouli, i de kino o henua i lalo i goodou.

Revelation 2:10

Aude madagu i mee oou gu dai hagaduasala ina ai. Tilo, de ia hagabaubau laa gu dai hai naa gi dilia ange hanu goodou gi lo te hale pono e hagatale ai goodou, gai goodou e vaivai haia naa i e madaangahulu laangi. Gai goodou tuu gi makaga ga dae ai gi doodou maakau, gai au ga gaavadu gi de goe de hau o de mouli.

Revelation 2:17

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu. Be goai e kii, gai au e gaavange naa gi de ia hanu manna e doange laa. Au e gaavange naa gi de ia dahi hadu tea e sisi ai dahi ingoo hoou, gai go tangada donu huu ne gaavange laa aagena e iloo de ingoo laa.

Revelation 2:26

Gai be goai e kii, ma de hai ogu lodo ga dae ai gi de hagaodi, gai au e gaavange gi de ia ssauaa e dagi ai denga huaahenua alodahi;

Revelation 2:3

Koe ne hagaduu ngae ga golomagi oo lodo ma de lodo mmahi i de hagaduasala i hiidinga o dogu ingoo, koe tee ahe donu doo lo taane.

Revelation 2:7

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu. Be goai e kii, gai au e dugu ange naa ia gi gaina hua o de manu o de mouli i lo te veelenga a de Maadua.

Revelation 3:21

Be goai e kii, gai au e hai ia gi noho madali au i honga dogu nohoanga hodooligi, bei dogu hai ne kii ai laa hogi ga noho i honga de nohoanga hodooligi o dogu Damana.