Matthew 10:17 - De Beebaa Dabu

¹⁷ Goodou dagidiiloo iho goodou, go hiidinga dangada e gaavange naa goodou gi de hagabuulinga hagasaele, ma de hagailiili goodou i lodo olaadeu synagogue.

Matthew 10:17 Iomraidhean Croise

Micah 7:5

Aude hagadonusia tangada e baa adu gi de goe, gai gi dee tali hagalodolodo ange gi doo soa. Koe gi dagidiiloo hogi au muna e tala ange gi de hine i doo gaogao.

Matthew 10:18

Gai goodou e gaavee naa gi mada i mua o denga goobenaa ma hodooligi i ogu hiidinga, gai goodou ga tala hagadonu ange ai au gi gilaadeu aama denga Gentile.

Matthew 20:19

gai e gaavange naa ia gi denga Gentile gi doo mee i de ia ma de hagailiili aama de daudau ia i de laagau lui. Gai de hagadolu laangi naa huu gai ia gu mouli age.”

Matthew 23:34

Deenei ai, au e hai naa gi loomai denga pelaabisi ma de gau heiangi aama de gau sisi gi oodou daha. Gai goodou e daa naa hanu ga daudau i de laagau lui; aagai hanu e hagailiili i lodo oodou synagogue aama de vaivai hai gilaadeu i denga aduhale.

Matthew 26:59

Gai de gau haimeedabu maolunga ma de hagabuulinga hagasaele alodahi, ne ssala hanu dangada hagadonu hadu muna gi hagabaubau ina Iesu, gi maua ai e gilaadeu i de daa ia gi magau.

Matthew 5:22

Aagai au e tala adu gi goodou, be goai e lili i dono daina, gai e hagamodu donu ono muna; gai e bei ai hogi, be goai e hai ange gi dono daina, ‘Raca’, gai e hagamodu ono muna i mada i mua o de hagabuulinga hagasaele. Gai be goai e hai ange gi dono daina, ‘Koe se boi donu’, gai e hagaduasala donu i de ahi.

Mark 13:12

Dahi daane e gaavange naa dono daina e daa gi magau, gai tamana e gaavange naa dana dama. Denga dama e hai baasi ange naa gi olaadeu maadua, ga daa gilaadeu gu maakau.

Mark 13:9

Aagai goodou kana ange dagidiiloo iho goodou. Dangada e gaavange naa goodou gi de hagabuulinga hagasaele, gai goodou e gaavee naa ga hagailiilia i lodo synagogue. Goodou e hai naa gi tuu i mada i mua o denga goobenaa aama denga hodooligi i ogu hiidinga, gai goodou ga tala hagadonu ange ai au gi gilaadeu.

Luke 12:11

Noo gilaadeu gu kave goodou gi synagogue e hagamodu ai oodou muna i mada i mua o denga dagi ma gilaadeu iai ssauaa, gai goodou aude manavasaa i doodou hai e pasa ange ai gi gilaadeu, aabe go oodou muna e tala ange gi gilaadeu.

John 11:47

Gai de gau haimeedabu maolunga ma denga Pharisee ne hagabuni mai de hagabuulinga hagasaele ga ssili ange, “Ni aha adaadeu ga hai? Taane nei gu lagolago ana hagailonga ne hai.

John 16:2

Dangada e hai naa goodou gi dee ulu i olaadeu synagogue, gai e dae mai naa donu de masavaa a tangada e daia goodou ga maakau, e maanadu ai bolo ia e hai lodo o de Maadua.

Acts 17:14

Aagai denga daina ne hagamoolau ga hai a Paul gi hano gi tagudai; gai Silas ma Timothy ne nnoho i Berea.

Acts 22:19

Gai au ne hai ange, ‘Tagi Maolunga, de gau nei e iloo bolo au ne hhao gi lo te hale pono ma de daa gilaadeu gu hagadonusia au muna mai i denga synagogue.

Acts 26:11

Au ne hagadaga hogi i denga synagogue alodahi ga hagaduasala gilaadeu, ma de hai gilaadeu gi hagangadi mee ina Iesu. Au ne vaivai hai gilaadeu i aduhale o denga henua gee, i hiidinga dogu kino i gilaadeu.

Acts 9:2

ga dangidangi ange i hanu leda e hagasauaa ai dono hano gi denga synagogue i Damascus, gi maua ai e ia i de noonooa denga daane ma haahine noo ia e gidee hanu gu dau ange gi de Haiava, gai ia ga gaamai ai gilaadeu gi Jerusalem.

Philippians 3:2

Goodou dagidiiloo denga gaaduu ma gilaadeu e haia de baubau, aama gilaadeu e duuduudia olaadeu angaanga.

2 Timothy 4:15

Gai koe dagidiiloo ia, i hiidinga ia e hai baasi ange donu gi muna odaadeu e agoago ai nei.

Hebrews 11:36

Hanu ne hagammae manava ina ma de hagailiilia, gai hanu ne noonoodia ga hhao gi lo te hale pono.