Matthew 10:14 - De Beebaa Dabu

¹⁴ Gai noo e deai dangada e abodonu adu gi goodou, aabe hagalaangona oodou agoago, gai goodou luuluuia gelegele i oodou vae, i de masavaa oodou e ssao ai e hulo gee i de hale aabe go de aduhale laa.

Matthew 10:14 Iomraidhean Croise

Nehemiah 5:13

Gai au ga luuluu ogu malo, ga hai ange, “De Maadua gi luuluu ina gi doo mai i dono hale ma ono goloa tangada e dee haia gi bei de hagatoo donu nei. Gai ia gi luuluuia ina ga dae ai gi de odi ana mee.” Gai de hagabuulingaa dangada alodahi laa ga hai ange, “Amen!” Gai gilaadeu ga tuhi Tagi Maolunga. Gai dangada alodahi ne hai donu ga bei de hagatoo donu laa.

Matthew 10:13

Aagai noo dangada i kilaa e heohi ange aagena, aagai de baba i oodou daha gi dagodo i kilaa; aagai noo gilaadeu e deai, gai de baba i oodou naa gi ahe adu gi goodou.

Matthew 18:5

Be goai e abodonu ange gi dahi gauligi damaa mee bee nei i hiidinga dogu ingoo, gai ia e abodonu mai donu gi de au.

Mark 6:11

Gai de mommee naa huu e dee abodonu adu gi goodou aabe hagallongo oodou agoago, gai de masavaa naa huu oodou e hulo gee ai i kilaa, gai goodou ga luuluu gi too gelegele i oodou vae e hai baasi ange ai gilaadeu!”

Mark 9:37

“Be goai e abodonu ange gi dahi gauligi bei tamaa gauligi nei i hiidinga o dogu ingoo, gai ia e abodonu mai donu gi de au. Gai be goai e abodonu mai gi de au, gai ia e abodonu ange donu gi de ia ne haia nei au gi humai.”

Luke 9:48

gai ia ga hai ange gi gilaadeu, “Be goai e abodonu ange gi tamaa gauligi nei i hiidinga dogu ingoo, e abodonu mai donu gi de au; gai be goai e abodonu mai gi de au, e abodonu ange donu gi de ia ne haia nei au gi humai. Go hiidinga be goai naa huu e maolalo i oodou magavaa alodahi gai go ia e maolunga.”

Luke 9:5

Gai be goai naa huu e dee abodonu adu gi goodou, gai de masavaa naa huu oodou e hulo gee ai i de aduhale laa, gai goodou ga luuluu gelegele i oodou vae e hagakana ange ai gilaadeu.”

John 13:20

Ni muna abodonu, ni muna abodonu aagu e hai adu nei gi goodou, be goai e abodonu ange gi tangada aagu e hai gi humai e abodonu mai donu gi de au; gai be goai e abodonu mai gi de au e abodonu ange donu gi de ia ne haia ngau gi humai.”

Acts 13:51

Aagai Paul ma Barnabas ga luuluu gelegele i olaau vae e hai baasi ange ai gi gilaadeu, gai gilaau ga hulo gi Iconium.

Acts 18:6

Gai de masavaa huu a dangada i kilaa ne hai baasi ange ai ma de hagabaubau ia, gai ia ga luuluu gelegele i ono malo, ga hai ange gi gilaadeu, “Doodou maakau e dau donu huu gi goodou! Au e dee haisala ai donu. Dua iainei gai au e hano naa e agoago ange denga Gentile.”

1 Thessalonians 4:8

Deenei ai, tangada e hagangadi mee ina hainga nei e dee hagangadi mee dangada, gai ia e hagangadi mee donu de Maadua, go de ia ne gaavadu gi goodou dono Hagasaalunga Dabu.