Matthew 10:10 - De Beebaa Dabu

¹⁰ Goodou e dee kave hogi hanu beagi e hulo ai, be e lua malo gahugahu, be e lua mee vae, aabe se dogo; go hiidinga e heohi donu de kave a tangada hai hegau ono mee e gaimee ai.

Matthew 10:10 Iomraidhean Croise

Numbers 18:31

Gai gu dee hilihili donu de mommee oodou ma oodou huaabodu e gai ai mee nei; go hiidinga deenei de hagaoanga o oodou hegau i de hale malo hagabuni.

Matthew 10:11

Gai dee hee naa huu de aduhale laumalie be se aduhale damaa mee oodou e ulu ai, gai goodou ga ssala tangada e malangilangi i de abodonu adu gi goodou, gai goodou ga nnoho i ono daha ga dae ai gi doodou hulo gee mai i kilaa.

Mark 6:8

Gai ia ne tala hagasoe ange, ga hai ange, “Goodou e dee kave dahi mee daudahi madali goodou, go oodou dogo donu huu — e deai hogi oodou pelaoaa, be ni beagi, aabe ni sseene e kave i lodo oodou beele.

Luke 3:11

John ne hai ange gi gilaadeu, “Be goai e lua ono malo gahu gai ia gi gaavange dahi gi tangada e deai sono malo. Gai be goai e hanu ana gai, gai ia gi gaavange hogi hanu gi tangada e deai ana gai.”

Luke 9:3

Ia ne hai ange gi gilaadeu, “Goodou aude gaavee dahi mee daudahi madali goodou: goodou e dee kave oodou dogo, be ni beagi, be ni gai, aabe ni sseene, goodou e dee kave hogi e dagilua malo gahugahu.

2 Timothy 4:13

Ga humai naa huu goe, gai koe gaamai madali goe dogu malo laa daha ne dugu naa i daho Carpus i Troas, ma denga beebaa mulo, aama denga beebaa e hai i gili manu.

1 Samuel 17:40

Gai ia ga kave dono dogo hagaloosi i dono lima, gai ia ga hano ga hili e lima hadu malali i lo te vai ga hhao gi lo tana beagi. Gai ia ga poo dana buada i dono lima, ga hano ai gi baa ange ia gi taane Philistia laa.

1 Samuel 9:7

Gai a Saul ga hai ange gi dono dangada hai hegau, “Noo gidaau gu hulo gi ono daha, gai se aha naa adaau e mau i de gaavange gi taane laa? Pelaoaa i lodo adaau beagi gu odi, gai teai hogi sedaau mee ngadi gaavange ne gaamai e gaavange gi taane o de Maadua. Gai ni aha ange e hanu i odaau daha?”