Matthew 1:1 - De Beebaa Dabu

¹ De beebaa e sisi ai ingoo o dubuna madagidagi o Iesu Klisdo, de hagadiilinga o David, de mogobuna o Abraham:

Matthew 1:1 Iomraidhean Croise

Genesis 12:3

Au e hagamanuuia naa dangada e hagamanuuia ina goe, gai e hagamalaia gilaadeu e hagamalaia ina goe; gai denga huaadangada alodahi o henua i lalo e manuuia naa i oo hiidinga.”

Genesis 2:4

Gai deenei taalanga o de langi ma henua i lalo i de masavaa ne hai ai. De masavaa a Tagi Maolunga go de Maadua ne hai ai henua i lalo ma de langi,

Genesis 22:18

Gai denga huaahenua alodahi o henua i lalo e manuuia naa i hiidinga o doo hagadiilinga, go hiidinga koe ne daudali i agu muna.”

Genesis 5:1

Deenei de beebaa e tala ai dagodo o de aamuli o Adam. De masavaa a de Maadua ne hai ai tangada, gai ia ne hai tangada gi bei ono hagadulagi.

Psalm 132:11

Tagi Maolunga ne hagatoo donu ange gi David i de muna abodonu, gai ia e dee sui naa donu dana hagatoo donu: “Au e hai naa dahi oo hagadiilinga gi noho i honga doo nohoanga hodooligi.

Psalm 89:3

Koe gu hagadaba, “Au gu hai dahi hagatoo donu hagaheloongoi madali de ia aagu gu hili, au gu hagatoo donu ange gi David dogu dangada hai hegau:

Psalm 89:36

bolo ono hagadiilinga e hodooligi naa donu ga hano ai, gai dono nohoanga hodooligi e dee lilo naa donu i taulooloa de sobo age o de laa.

Isaiah 11:1

Dahi uli e matili age naa i tahido o Jesse; gai dahi laa e somo age naa i dono dahido ga hua.

Isaiah 53:8

Ia ne gaavee ga vaivai haia ma de hagaduasala, gai goai e maua i de hagasaelea dagodo o dono atangada? Ia ne daa ga magau ga kave gee mai i daho dangada; ia ne hagailiilia i hiidinga haisala o ogu dangada.

Jeremiah 23:5

E hagadaba Tagi Maolunga, “E tae mai naa laangi, aagu e hagasula age ai dahi uli moo David, se ia e heohi, se hodooligi e humai ga dagi i de heiangi ma de hai hegau i de hagamodu soe ma de heohi i honga de henua.

Jeremiah 33:26

gai au e tili naa hogi hagadiilinga o Jacob ma dogu dangada hai hegau go David, gai au e dee hili naa hogi dahi ono hagadiilinga gi dagina hagadiilinga o Abraham, ma Isaac, aama Jacob. Gai au e hagaahe ange naa delaadeu manuuia aama de lodo aloha ange gi gilaadeu.”

Amos 9:11

“De laangi laa gai au e hagaahe age naa de hale malo o David gu maoha laa, ma de hai ange naa mommee gu masaavava laa, ma de hagaahe age mommee gu maoha, aama de hagaduu age ange gi bei ono dagodo madagidagi.

Zechariah 12:8

De laangi laa gai Tagi Maolunga e buibui naa dangada e nnoho i Jerusalem; de laangi laa gai tangada baageaa hugadoo e mmahi naa bei dagodo o David, gai de aamuli o David e dagi naa gilaadeu, bei dagodo o de Maadua, ma tangada de langi o Tagi Maolunga.

Matthew 1:18

Gai deenei tagodo de haanau o Iesu Klisdo: dono dinana go Mary ne hagababa ange gi Joseph, gai i mua delaau hagahebaa, gai gu gidee mai bolo Mary gu hai dama i daho de Hagasaalunga Dabu.

Matthew 1:2

Abraham ne hagadili Isaac, Isaac ne hagadili Jacob, gai Jacob ne hagadili Judah ma ono daina.

Matthew 15:22

Gai tilo, dahi hahine Canaan ne humai ga oo ga dangidangi ange gi de ia, ga hai ange, “Tagi Maolunga, Tama a David! Lodo aloha mai gi de au; dagu damaa hine gu iai de hagasaalunga baubau, gai ia gu duasala mmao.”

Matthew 3:16

Dua huu de babudaisi o Iesu ga ea age i lo te vai, gai tilo, gu mahuge ange de langi gi de ia, gai ia gu gidee de Hagasaalunga o de Maadua e hano iho, bei dahi manu kono ga doga ange gi ono elunga.

Matthew 9:27

De masavaa o Iesu ne seesee ai e hano gee mai i kilaa, gai e dogolua daane dee kide ne daudali ange i de ia, ma de hevaalogi ga hai ange, “Tama a David, lodo aloha mai gi gimaau!”

Luke 1:33

gai ia e dagi naa dangada o Jacob ga hano ai; gai dono nohoanga hodooligi e deai naa donu se odi.”

John 7:42

Gai tigi tala laa i de Beebaa Dabu bolo de Klisdo se aamuli niio David, gai ia e humai i Bethlehem, de aduhale o David ne noho ai?”

Acts 2:30

Gai ia se pelaabisi, deenei ai, ia ne iloo bolo de Maadua gu lava i de hagatoo donu bolo ia e hai naa dahi dangada mai i dono aamuli gi noho i honga dono nohoanga hodooligi.

Romans 1:3

go de longo danuaa e tala ai laa dagodo o dana Dama Daane, gai ne haanau mai i de aamuli o David,

Romans 4:13

Gai de hagatoo donu ange gi Abraham ma dono aamuli, bolo henua i lalo alodahi e bolo ange naa gi gilaadeu gi henua ai, tee hai i hiidinga o de hainga, aagai ne hai i hiidinga o delaadeu hagaheohi i de gai.

Romans 9:5

Gai go gilaadeu hogi hagadiilinga o denga dubuna madagidagi, gai Klisdo se mogobuna niiolaadeu, gai go ia de Maadua i honga mee alodahi, gai gi duuhia ia ga hano ai! Amen.

Galatians 3:16

Denga hagatoo donu ne gaavange gi Abraham ma ono hagadiilinga. Gai tee hai ange, “ange gi denga hagadiilinga,” ni dangada soa; aagai ange gi dahi, “gai ange gi doo hagadiilinga,” go Klisdo.

1 Timothy 2:5

E dahi donu huu Maadua, gai e dahi donu huu hogi Dangada e hano i magavaa o de Maadua ma dangada, go tangada go Klisdo Iesu,

2 Timothy 2:8

Manadua dagodo o Iesu Klisdo, ia ne mouli age mai i de magau, gai se hagadiilinga niio David, bei de hai gu tala ai i de longo danuaa oogu e agoago ai nei.

Revelation 22:16

“Au go Iesu, au ne hai dogu dangada de langi gi hanadu gi daalaa hagadonu ina ange muna nei gi denga nohoanga dabu. Go au de laa ma de hagadiilinga o David, ma de heduu maalama o taiao.”