Mark 9:44 - De Beebaa Dabu

⁴⁴ Go de mommee e dee maakau ai denga ilo, gai de ahi e dee magau donu.]

Mark 9:44 Iomraidhean Croise

Isaiah 33:14

De gau haisala i Zion gu maatagu mmao; dangada e dee hai lodo o de Maadua gu bolebole: “Goai de gidaadeu e maua i de noho madali de ahi e duungia laa mee? Gai goai de gidaadeu e maua i de noho i de mommee iai de ahi e ula laa ga hano ai?”

Isaiah 66:24

Gilaadeu e hulo naa ga tilo angaanga o de gau maakau ne hai baasi mai gi de au; denga ilo i olaadeu angaanga e dee maakau naa donu, gai de ahi e dee diinei naa hogi, gai gilaadeu alodahi e hai naa ga ni mee hakino gee ange gi dangada alodahi.”

Matthew 25:41

Aagai ia e hai ange naa gi dangada i dono masui, ‘Goodou hulo gee mai i ogu daha, goodou gu hagamalaia, e tili ange gi lo te ahi e deai laa se ngado mai, gu hagadabena ange laa gi de ia hagabaubau laa ma ono dangada de langi!

Matthew 25:46

Gai gilaadeu nei e hulo gee naa ga kave de hagaduasala e deai laa se ngado mai. Aagai gilaadeu e heohi e kave naa de mouli e dee ngado mai.”

Matthew 3:12

Ia e poo de laagau nonu i dono lima, e hagamalaelae ai dana mommee hili huamanu, gai ga hagabudu ana grain e hhao gi lo te hale doange, aagai ga dudu denga gili i de ahi e dee maua laa i de diinei.”

Mark 9:43

Noo doo lima e hai ga haisala goe, gai koe duudia dilia. E danuaa ange doo ulu i de mouli ma doo angaanga e dee odi ange, i doo hano gi lo te ahi ma luoo lima ngaadahi, go de mommee e deai se magau ai de ahi. [

Mark 9:45

Gai noo doo vae gu hagahaisala goe, gai koe duudia dilia. E danuaa ange doo ulu i de mouli ma dahi vae, i doo tili ange gi lo te ahi ma luoo vae ngaadahi. [

Mark 9:48

go de mommee e dee maakau ai denga ilo, gai de ahi e dee magau donu.

2 Thessalonians 1:9

Gai gilaadeu e hagaduasala donu i de hagaduasala e dee ngado mai, ma de tili gee mai i mada luu mada o Tagi Maolunga ma de mahamaha o dono sauaa mmahi,

Revelation 14:10

e unu naa hogi uvaini mmahi o de bole o de Maadua, e dee hilo laa ga llingi ange ai gi lo te ubu o dono lili. Gai ia e hagaduasala naa donu i de ahi ma denga sulfur, i madamada o denga dangada de langi dabu ma mada luu mada o Ssiibi Gauligi.

Revelation 20:10

Gai de ia hagabaubau e daahangadia laa gilaadeu gu tili ange gi lo te ahi ula ma denga sulfur e ssali laa bei vai, go de mommee ne tili ange aagena de manu alasala ma de pelaabisi hadu muna laa, gai gilaadeu e hagaduasala naa i de laangi ma de boo ga hano ai e dee ngado mai.

Revelation 20:15

Gai tangada e dee sisi dono ingoo i de beebaa o de mouli gu tili ange gi lo te ahi e sali laa bei de vai.

Revelation 21:8

Aagai de gau madagudagu, ma dangada tee hagadonusia, ma de gau hakino gee, ma de gau daa dangada, ma de gau dagodo haisala, ma de gau hai huuhuaa mee, ma dangada e daumaha ange gi denga diinonga, ma de gau hadu muna alodahi — delaadeu duuhanga go de ahi ula ma denga sulfur e sali laa bei de vai, deenei de lua magau.”