Mark 9:26 - De Beebaa Dabu

²⁶ Aagai de hagasaalunga laa ga oo ma de hai gi lele age tama daane laa, gai ia ga sao ga hano gee mai i ono daha. Gai tama daane laa gu bei dagodo o tangada magau, gai dangada ga hagataba, “Ia gu magau!”

Mark 9:26 Iomraidhean Croise

Exodus 5:23

Mai taamada dogu hano ga tala ange gi Pharaoh au muna, gai ia tigi tuu donu dana hagaduasala de huaadangada nei; gai koe tigi hagaola hogi oo dangada.”

Matthew 15:22

Gai tilo, dahi hahine Canaan ne humai ga oo ga dangidangi ange gi de ia, ga hai ange, “Tagi Maolunga, Tama a David! Lodo aloha mai gi de au; dagu damaa hine gu iai de hagasaalunga baubau, gai ia gu duasala mmao.”

Mark 1:26

Gai de hagasaalunga baubau laa ga hai gu lele age taane laa ma de oo i de leo laumalie, gai ia ga sao mai i daho taane laa.

Mark 9:18

Gai de masavaa naa huu a de hagasaalunga e hagaduasala ai ia, gai ia ga hagabaguu gi honga de gelegele, ga hagasali dono saavale ma de kadi ono gauvae, aama de hagamakaga dono angaanga. Gai au ne dangidangi ange gi au dangada agoago, gilaadeu gi haia gi hano gee de hagasaalunga laa, gai gilaadeu tee maua.”

Mark 9:20

Gai gilaadeu ga dagi mai tama daane laa gi ono daha. Gai de masavaa huu a de hagasaalunga baubau laa ne gidee ai Iesu, gai ia ga hai gu lele age tama laa i de masavaa laa donu huu, ma de hagabaguu ia gi honga de gelegele, ga hai ia gi dige saele ma de hagasali dono saavale.

Mark 9:25

Gai ga gidee huu e Iesu dangada soa gu saavini mai gi kilaa, aagai ia ga hagasee de hagasaalunga baubau laa, ga hai ange gi de ia, “De hagasaalunga e noodia laa dono alelo ma de pono luoono dalinga, au e hai adu gi de goe, sao mai i ono daha, gai koe aude ahe ange donu gi ulu gi ono lodo!”

Mark 9:27

Aagai Iesu ga poo dono lima ga hagahidi age ia, gai ia gu hidi ga duu gi lunga.

Revelation 12:12

Deenei ai, de langi, malangilangi, ma goodou alodahi e nnoho i kilaa! Aagai e vakaa naa henua i lalo ma tai, go hiidinga de ia hagabaubau laa gu bole ma gu hano iho ai gi goodou, go hiidinga ia gu iloo bolo dono masavaa gu bodobodo.”