Mark 9:25 - De Beebaa Dabu

²⁵ Gai ga gidee huu e Iesu dangada soa gu saavini mai gi kilaa, aagai ia ga hagasee de hagasaalunga baubau laa, ga hai ange gi de ia, “De hagasaalunga e noodia laa dono alelo ma de pono luoono dalinga, au e hai adu gi de goe, sao mai i ono daha, gai koe aude ahe ange donu gi ulu gi ono lodo!”

Mark 9:25 Iomraidhean Croise

Zechariah 3:2

Tagi Maolunga ne hai ange gi Satan, “Satan, Tagi Maolunga gi hagaseegina goe! Tagi Maolunga ne hilia laa Jerusalem gi hagaseegina goe! E dee deenei taane e bei laa de laagau, aau ne dada mai i lo te ahi?”

Matthew 12:22

Dangada ne gaamai hogi gi Iesu dahi dangada dee gide ma de lau de alelo, go hiidinga de hagasaalunga baubau e noho i ono daha; gai Iesu ga hagaieiangi ia, gai taane laa gu basa ma de gidee.

Matthew 17:18

Gai Iesu ga hagasee de hagasaalunga baubau laa, gai de hagasaalunga baubau laa gu sao mai i ono daha, gai tama daane laa gu ieiangi i de masavaa laa donu huu.

Mark 9:15

Aagai ga gidee huu e dangada Iesu, gai gilaadeu gu llele mouli, gai gilaadeu ga saavini ga hedae ange gi de ia.

Mark 9:24

De masavaa laa gai tamana o tama daane laa ga hagaleo laumalie, ga hai ange, “Au e hagadonusia, gai balea mai au i tee dohu dogu gai!”

Mark 9:26

Aagai de hagasaalunga laa ga oo ma de hai gi lele age tama daane laa, gai ia ga sao ga hano gee mai i ono daha. Gai tama daane laa gu bei dagodo o tangada magau, gai dangada ga hagataba, “Ia gu magau!”

Luke 11:14

Iesu ne hai gi hano gee dahi hagasaalunga baubau, mai i daho dahi dangada e dee maua laa i de basa; gai ga hano gee huu de hagasaalunga baubau laa i ono daha, gai taane laa gu maua i de basa. Gai dangada gu llele mouli,

Luke 4:35

Gai Iesu ga hagasee ia ga hai ange, “Aude basa, gai sao mai i ono daha!” Gai de hagasaalunga baubau ga hagabaguu taane laa i magavaa o dangada, gai ia ga sao mai i ono daha, tee hagalagohia ia.

Luke 4:41

Denga hagasaalunga baubau ne ssao hogi ga hulo gee mai i daho dangada soa, aagai gilaadeu ga hevaalogi ga hagataba, “Go koe donu Tama Daane a de Maadua!” Gai Iesu ga hagasee gilaadeu gi dee pasa, go hiidinga gilaadeu e iloo bolo ia go de Klisdo.

Luke 8:29

Go hiidinga Iesu ne hai ange gi denga hagasaalunga baubau laa gi ssao mai i daho taane laa. Gu lagolago hanonga a de hagasaalunga baubau ne hai ai gi de mahi ia, gai e dee galemu donu gu noonoa luoono vae ma luoono lima i daula baalanga ma de hagaloosi ange, aagai ia ga duuduu denga daula baalanga e nnoa ai laa ia, gai de hagasaalunga baubau ga kave ia gi de vao.

Luke 9:42

Gai de masavaa o tama daane laa e humai ai, gai de hagasaalunga baubau ga hagabaguu ia gi honga de gelegele ga hai ia gu lele age. Aagai Iesu ga hagasee de hagasaalunga baubau laa, ga hagaieiangi tama daane laa, ga hagaahe ange ia gi dono damana.

Acts 16:18

Gai ne lagolago laangi aana ne hai ai de hegau nei. Aagai a Paul gu daemaha, gai ia ga huli dua ga hai ange gi de hagasaalunga baubau, “Au e hai adu gi de goe i de ingoo o Iesu Klisdo, sao mai i ono daha.” Gai de hagasaalunga baubau gu sao mai i de masavaa laa donu huu.

Jude 1:9

Aagai de masavaa donu hogi o tangada de langi maolunga go Michael, ne hagadaumee ange ai gi de ia hagabaubau laa i de angaanga o Moses, gai ia tee basa hagamalaia donu ia i ana muna hagabaubau laa, aagai ne hai ange donu huu, “Tagi Maolunga gi hagaseegina goe!”