Mark 9:20 - De Beebaa Dabu

²⁰ Gai gilaadeu ga dagi mai tama daane laa gi ono daha. Gai de masavaa huu a de hagasaalunga baubau laa ne gidee ai Iesu, gai ia ga hai gu lele age tama laa i de masavaa laa donu huu, ma de hagabaguu ia gi honga de gelegele, ga hai ia gi dige saele ma de hagasali dono saavale.

Mark 9:20 Iomraidhean Croise

Mark 1:26

Gai de hagasaalunga baubau laa ga hai gu lele age taane laa ma de oo i de leo laumalie, gai ia ga sao mai i daho taane laa.

Mark 9:18

Gai de masavaa naa huu a de hagasaalunga e hagaduasala ai ia, gai ia ga hagabaguu gi honga de gelegele, ga hagasali dono saavale ma de kadi ono gauvae, aama de hagamakaga dono angaanga. Gai au ne dangidangi ange gi au dangada agoago, gilaadeu gi haia gi hano gee de hagasaalunga laa, gai gilaadeu tee maua.”

Mark 9:19

Aagai Iesu ne basa ange ga hai ange gi gilaadeu, “Goodou se atangada e dee hagadonusia! Dee hee maa taulooloa dogu noho i oodou daha? Dee hee maa taulooloa de golomagi ogu lodo i goodou? Gaamai ia gi ogu daha!”

Mark 9:21

Gai Iesu ga ssili ange gi tamana o tama daane laa, “Dee hee maa taulooloa dono dagodo bee nei?” Gai tamana ga hai ange, “Mai loo i dono gauligi.

Mark 9:26

Aagai de hagasaalunga laa ga oo ma de hai gi lele age tama daane laa, gai ia ga sao ga hano gee mai i ono daha. Gai tama daane laa gu bei dagodo o tangada magau, gai dangada ga hagataba, “Ia gu magau!”

Luke 4:35

Gai Iesu ga hagasee ia ga hai ange, “Aude basa, gai sao mai i ono daha!” Gai de hagasaalunga baubau ga hagabaguu taane laa i magavaa o dangada, gai ia ga sao mai i ono daha, tee hagalagohia ia.

Luke 8:29

Go hiidinga Iesu ne hai ange gi denga hagasaalunga baubau laa gi ssao mai i daho taane laa. Gu lagolago hanonga a de hagasaalunga baubau ne hai ai gi de mahi ia, gai e dee galemu donu gu noonoa luoono vae ma luoono lima i daula baalanga ma de hagaloosi ange, aagai ia ga duuduu denga daula baalanga e nnoa ai laa ia, gai de hagasaalunga baubau ga kave ia gi de vao.

Luke 9:39

Gai tilo, dahi hagasaalunga baubau e hai gi de mahi ia, gai ia ga oo ma de hai ia gi lele age ga hagasali dono saavale, aama de hagammae ia, gai e hai ngadaa donu de hano gee mai i ono daha!

Luke 9:42

Gai de masavaa o tama daane laa e humai ai, gai de hagasaalunga baubau ga hagabaguu ia gi honga de gelegele ga hai ia gu lele age. Aagai Iesu ga hagasee de hagasaalunga baubau laa, ga hagaieiangi tama daane laa, ga hagaahe ange ia gi dono damana.

John 8:44

Goodou ni dama donu nii de ia hagabaubau laa, gai goodou e hai lodo o doodou damana. Ia se dangada daa dangada mai i taamada age, ia e dee daohi de muna abodonu, go hiidinga e deai donu se muna abodonu i ono daha. Ia e hadu muna i hiidinga aalaa donu ono dagodo: ia se dangada hadu muna gai go tamana donu o de muna hhadu.

1 Peter 5:8

Goodou gi hagamadaala ga dagitilo; go hiidinga doodou hagadaumee, go de ia hagabaubau, e seesee saele bei de laiono e haganngolo laa i dana masavaa e ssala dahi manu e holo.