Mark 9:18 - De Beebaa Dabu

¹⁸ Gai de masavaa naa huu a de hagasaalunga e hagaduasala ai ia, gai ia ga hagabaguu gi honga de gelegele, ga hagasali dono saavale ma de kadi ono gauvae, aama de hagamakaga dono angaanga. Gai au ne dangidangi ange gi au dangada agoago, gilaadeu gi haia gi hano gee de hagasaalunga laa, gai gilaadeu tee maua.”

Mark 9:18 Iomraidhean Croise

De Beebaa go Job 16:9

Ia gu oha dogu angaanga i dono lili; ia e kadi mai ono niho gi de au, dogu hagadaumee e haaina donu huu au.

Psalm 112:10

Tangada baubau e lili i dana gidee mee nei; ia e kadi naa ono niho ma de madagu; gai mee o tangada baubau e lodo ai e llilo naa donu.

Matthew 15:22

Gai tilo, dahi hahine Canaan ne humai ga oo ga dangidangi ange gi de ia, ga hai ange, “Tagi Maolunga, Tama a David! Lodo aloha mai gi de au; dagu damaa hine gu iai de hagasaalunga baubau, gai ia gu duasala mmao.”

Matthew 17:16

Gai au ne gaamai ia gi daho au dangada agoago, gai gilaadeu tee maua i de hagaieiangi ia.”

Matthew 8:12

Aagai dangada niiolaadeu de nohoanga hodooligi e tili naa gi lo te gohu i duaahaho, go de mommee o de tangi ma de hagaida ai gauvae.”

Mark 11:23

Ni muna abodonu aagu e hai adu nei gi goodou, be goai e hai ange gi de mounga nei, ‘Ngalue gee mai i doo duulanga ma gi doo ange gi lo te lausedi,’ gai ia e dee lua lodo aagai e hagadonu bolo ana muna e hagassula naa donu, aagai e hai donu gi bei ana muna.

Mark 9:17

Gai dahi daane i magavaa o dangada ga hai ange gi Iesu, “Tangada Agoago, au ne gaamai dagu dama daane gi de goe, i hiidinga dahi hagasaalunga baubau gu noho i ono daha, gai gu hai ia gi dee maua i de basa.

Mark 9:19

Aagai Iesu ne basa ange ga hai ange gi gilaadeu, “Goodou se atangada e dee hagadonusia! Dee hee maa taulooloa dogu noho i oodou daha? Dee hee maa taulooloa de golomagi ogu lodo i goodou? Gaamai ia gi ogu daha!”

Mark 9:20

Gai gilaadeu ga dagi mai tama daane laa gi ono daha. Gai de masavaa huu a de hagasaalunga baubau laa ne gidee ai Iesu, gai ia ga hai gu lele age tama laa i de masavaa laa donu huu, ma de hagabaguu ia gi honga de gelegele, ga hai ia gi dige saele ma de hagasali dono saavale.

Mark 9:26

Aagai de hagasaalunga laa ga oo ma de hai gi lele age tama daane laa, gai ia ga sao ga hano gee mai i ono daha. Gai tama daane laa gu bei dagodo o tangada magau, gai dangada ga hagataba, “Ia gu magau!”

Acts 7:54

De masavaa huu alaadeu ne langona ai muna nei, gai gilaadeu gu kona donu de llili, ga kadi ange olaadeu gauvae gi de ia.

Jude 1:13

Gilaadeu e bei dagodo o denga beau nnui o de moana, gilaadeu e hagassula age alaadeu hegau hagadookaa; gai e bei dagodo o denga heduu e silivaahea saele laa, gai gu hagadabena ange gi gilaadeu de gohu boo dangodango ga hano ai.