Mark 9:12 - De Beebaa Dabu

¹² Ia ne hai ange gi gilaadeu, “Elijah e humai naa donu i mua, ga hagadabena mee alodahi. Gai gu aha gu sisi ai laa, bolo Tama a Tangada e kona naa donu dono hagaduasala ina, ma dono hagangadi mee ina?

Mark 9:12 Iomraidhean Croise

Psalm 74:22

De Maadua, hidi age, daalaa hagadanuaa ina au hagatau; gai manadua de doo mee o de gau llodo ssenga i de goe i taiao ga boo ai.

Isaiah 49:7

E hagadaba Tagi Maolunga, de Ia Hagaola o Israel, gai go dono Ia Dabu, ange gi de ia e hagangadi mee ina ma de kino ai o denga huaahenua, ma ange gi tangada hai hegau o denga dagi: “Denga hodooligi e tuu age naa, i de masavaa alaadeu e gidee ai goe, denga dagi o de henua e ino naa gi lalo, i delaadeu gidee goe, go hiidinga Tagi Maolunga, go de ia e hai hegau i de muna abodonu, gai go de Ia Hagaola ma de Ia Dabu ma o Israel, ne hilihilia goe.”

Isaiah 50:6

Au ne dugu ange au gi gilaadeu e hagailiilia dogu dua, gai e huli ange luoogu galaahuu gi gilaadeu e vele ina dogu gumigumi; gai au tee haoli luoogu mada i de hagadogaa ma de saavale.

Isaiah 52:14

Dangada soa ne llele mouli i ono dagodo — dono angaanga e kona de lagolagohia, gu dee dagodo be se angaanga dangada, gai dono angaanga gu dee madea ange bolo se angaanga dangada —

Zechariah 11:13

Gai Tagi Maolunga ne hai mai gi de au, “Magaa ange selevaa naa gi tangada hai gumedi hadu” — go de hagaoanga laumalie ne hagao ai au! Gai au ne kave de matolu shekel selevaa laa ga maga ange gi tangada hai gumedi hadu i lo te hale o Tagi Maolunga.

Zechariah 13:7

“De gadilaasa, alahage, hai baasi ange gi dogu dangada hagaloosi, gai hai baasi ange gi tangada e baa mai gi de au! go Tagi o denga hagabuulinga hebagi e hagadaba. Daia gi magau tangada hagaloosi, gi mavaevae saele ai denga ssiibi, gai au e hagaabo naa dogu lima e hai baasi ange ai gi denga ssiibi gauligi.

Malachi 4:6

Gai ia e hagadanuaa naa magavaa o denga maadua ma alaadeu dama, ma magavaa o denga dama ma olaadeu maadua; kana hanadu au ga oha de henua ga hagamalaia.”

Matthew 16:21

Dua de masavaa laa, gai Iesu ne daamada de tala ange gi ana dangada agoago bolo ia e hano naa gi Jerusalem e hagaduasala ai i daho denga dagi, ma de gau haimeedabu maolunga, aama de gau sisi, gai ia e daa naa gi magau, aagai de hagadolu laangi naa huu gai ia gu mouli age.

Matthew 26:24

Tama a Tangada e hano naa donu bei de hai gu sisi ai ono dagodo, aagai e vakaa naa tangada e gaavange Tama a Tangada! E danuaa ange noo ia tee haanau.”

Mark 10:33

Gai ia ga hai ange, “Tilo, gidaadeu ga loage nei gi Jerusalem, gai Tama a Tangada e gaavange naa gi de gau haimeedabu maolunga ma de gau sisi. Gai gilaadeu e hagamodu naa ono muna e daa gi magau, ma de gaavange ia gi denga Gentile,

Mark 9:13

Aagai au e hai adu gi goodou, bolo Elijah gu humai donu, gai dangada gu hai ange gi de ia mee alodahi alaadeu e llodo e hai ange gi de ia, bei de hai gu sisi ai.”

Mark 9:31

go hiidinga ia e agoago ange ana dangada agoago i de masavaa laa. Gai ia ne hai ange gi gilaadeu: “Tama a Tangada gu dai gaavange naa gi ssauaa o dangada, gai gilaadeu e daa naa ia gi magau. Aagai dua naa huu e dolu laangi gai ia gu mouli age.”

Luke 1:76

Gai koe, dagu gaagaa, e hagabinga naa bolo se pelaabisi niio de Ia Maolunga Mmao laa; gai koe e hano naa i mada i mua o Tagi Maolunga e hagadabena ai ono haiava;

Luke 23:11

Gai Herod ma ono daane hebagi ne hagangadi mee Iesu ma de hagammae manava ia. Gai gilaadeu ga hakahu ia i hanu malo danuaa ga hagaahe ia gi daho Pilate.

Luke 23:39

Gai dahi luu daane ne oohaa de hainga e daudau laa madali ia ne hagammae manava ia, ga hai ange, “E aha, e dee go koe de Klisdo? Hagaola ina goe aama gimaau!”

Acts 1:6

Gai de masavaa huu olaadeu ne hagabuni ai, gai gilaadeu ga ssili ange gi de ia, “Tagi Maolunga, koe ga hagaahe ange naa de nohoanga hodooligi gi de gau Israel iainei?”

Acts 4:11

Ia go de hadu donu oodou, de gau hagatuu hale, ne hagangadi mee laa, gai gu hai ai tuludulu o de logunga.