Mark 8:2 - De Beebaa Dabu

² “Au gu lodo aloha i dangada soa nei. Gu dolu olaadeu laangi ne nnoho ai madali au, gai gu deai hogi alaadeu gai.

Mark 8:2 Iomraidhean Croise

1 Kings 19:6

Gai ia gu gidee dahi keege e dunu i honga hanu hadugolaa ma dahi manu vai. Gai ia ga hidi age ga gaimee ga unu, ga ahe ange ga dagodo ga seni.

Psalm 103:13

Gai Tagi Maolunga e lodo aloha ange gi gilaadeu e maatagu i de ia, bei dagodo o tamana e lodo aloha ange laa gi ana dama.

Psalm 145:15

Mee alodahi e tali adu goe, gai go koe e gaavange alaadeu gai i de masavaa heohi.

Psalm 145:8

Tagi Maolunga e degi ma de lodo aloha, gai e dee moolau de lili gai e honu i de abodonu.

Micah 7:19

Koe e ahe ange naa ga abodonu mai gi gimaadeu; koe e dagadagahi naa omaadeu haisala gi lalo luoo vae, ma de tili omaadeu haisala alodahi gi lo te moana gelo.

Matthew 14:14

Gai ga dae huu Iesu gi de mommee laa ga hanage gi uda, gai ia gu gidee dangada soa mmao, aagai ia gu lodo aloha i gilaadeu ga hagaieiangi alaadeu magi.

Matthew 20:34

Gai Iesu gu lodo aloha i gilaau ga poo ange olaau mada, de masavaa laa donu huu gai olaau ganomada gu ieiangi, gai gilaau ga daudali ange i Iesu.

Matthew 9:36

De masavaa a Iesu ne gidee ai dangada soa, gai ia gu lodo aloha i gilaadeu, go hiidinga gilaadeu e dee nnoho paba gai e maoha saele, bei dagodo o denga ssiibi e deai laa selaadeu dangada hagaloosi.

Mark 1:41

Gai Iesu gu aloha i de ia, gai ia ga haalo dono lima ga poo ange ia, ga hai ange, “Au e lodo, koe gu gilimalali.”

Mark 5:19

Aagai Iesu tee dugu ange, gai ia ne hai ange gi taane laa, “Hannoo gi doo hale ma daho doo huaabodu, ga tala ange gi gilaadeu dagodo o mee hagalele mouli a Tagi Maolunga gu hai adu gi de goe, aama dono lodo aloha adu gi de goe.”

Mark 6:32

Gai gilaadeu ne kage i de boose e hulo gi dahi mommee e deai dangada iai.

Mark 6:34

De masavaa o Iesu ne dae ai ga gidee dangada soa i kilaa, gai ia gu lodo aloha i gilaadeu, go hiidinga gilaadeu e bei dagodo o denga ssiibi e deai laa selaadeu dangada hagaloosi. Gai ia ga daamada de agoago ange gilaadeu i mee lagolago.

Mark 8:3

Noo au e hai gilaadeu gi hulo gi olaadeu hale ma de saalohia, gai gilaadeu e ssili mada naa i honga de haiava; go hiidinga hanu gilaadeu ne loomai i de mommee mmao.”

Mark 9:22

Gai gu dee modu dana hagabaguu ange dagu dama gi lo te ahi ma lo te vai e daa ai ia gi magau. Gai noo koe e maua, gai koe lodo aloha mai gi gimaau!”

Luke 15:20

Gai tama daane laa ga hidi age ga ahe mai gi daho dono damana. Gai de masavaa huu a dono damana ne gidee adu ai ia i de mommee mmao, gai ia gu lodo aloha i de ia, gai ia ga savini ga hano ga buuludi ange ia ma de oso.

Luke 7:13

Gai de masavaa huu a Tagi Maolunga ne gidee ai de hine laa, gai ia gu lodo aloha i de ia, gai ia ga hai ange gi de ia, “Aude dangi.”

Hebrews 2:17

Deenei ai, ia ne hai ga bei ono daina i mee alodahi, gi maua ai e ia i de hai gi se dangada haimeedabu maolunga e degi ma de hai hegau i de muna abodonu i hegau a de Maadua, gai ia ga degi ange ai gi haisala o dangada.

Hebrews 4:15

Go hiidinga taadeu dangada haimeedabu maolunga e lodo aloha mai gi odaadeu mee e baageaa ai, i hiidinga ia gu lava i de hagatale i mee alodahi bei odaadeu dagodo, aagai ia tee haisala donu.

Hebrews 5:2

Gai ia e donu ange gi dagodo o dangada e llodo ssenga ma gilaadeu e daahuli gee i de muna abodonu, go hiidinga ia e baageaa donu hogi i de hai mee nei.