Mark 7:34 - De Beebaa Dabu

³⁴ Gai ia ga galo age gi de langi ga manava i lunga, ga hai ange gi de ia, “Ephphatha,” e bei “Gi maahuge!”

Mark 7:34 Iomraidhean Croise

Exodus 2:23

Dua huu hanu ngadau lagolago, gai de hodooligi o Egypt gu magau. Gai de gau Israel gu duasala mmao i delaadeu hagahai hegau kona ina, gai gilaadeu ga dangidangi i de bale, gai de Maadua gu langona e ia delaadeu dangidangi.

Isaiah 53:3

Ia ne hagangadi mee ina ma de kino ai o dangada, se dangada e lagolago ono hagammae, ma de donu ange gi dagodo o de hagaduasala. Dangada e kino i de kalo ange e tilo ia; ia ne hagangadi mee ina, gai gidaadeu tee hagadubu ia.

Mark 1:41

Gai Iesu gu aloha i de ia, gai ia ga haalo dono lima ga poo ange ia, ga hai ange, “Au e lodo, koe gu gilimalali.”

Mark 15:34

Gai ga daa huu tolu i de ahiahi, gai Iesu ga oo i de leo mmahi ga hagadaba, “Eloi, Eloi, lama sabachthani?”, e bei “Dogu Maadua, dogu Maadua, gu aha gu tili ai naa goe au?”

Mark 5:41

Gai ia ga poo de lima o tamaa hine laa, ga hai ange gi de ia, “Talitha koum!”, e bei “De gauligi hahine, au e hai adu gi de goe, hidi age!”

Mark 6:41

Gai Iesu ga poo mai denga pelaoaa e lima ma mamu e lua laa, gai ia ga galo age gi de langi ga dalodalo ga dohidohi duudangaa pelaoaa laa. Gai ia ga gaavange gi ana dangada agoago gi duuhaa ange gi dangada. Ia ne dohidohi hogi luu mamu laa ga gaavange gi gilaadeu.

Mark 7:35

Gai luu dalinga o taane laa gu maahuge, dono alelo gu madala gai ia gu maua i de basa gi danuaa.

Mark 8:12

Gai Iesu ne manava i lunga i taemaha ono lodo, ga ssili ange, “Gu aha de atangada nei gu ssala ai nei dahi hagailonga? Ni muna abodonu aagu e hai adu nei gi goodou, e deai donu se hagailonga e hagaago ange gi de atangada nei!”

Luke 18:42

Iesu ne hai ange gi de ia, “Koe gi gide! Doo gai gu hagaieiangi goe.”

Luke 19:41

De masavaa o Iesu ne baa ange ai ga gidee de aduhale, gai ia gu dangi,

Luke 7:14

Gai Iesu ga hano ga poo ange de ngavesi, gai dangada e sabaia ga tuu. Gai ia ga hai ange gi taane magau laa, “Tama daane, au e hai adu gi de goe, hidi age!”

John 11:33

Gai ga gidee huu e Iesu Mary ma de gau Ssuu ne loomai madali ia e tangi, gai gu hagangalue ina ono lodo ma de daemaha.

John 11:35

Gai Iesu ga dangi.

John 11:38

Gai Iesu gu kona ange hogi de daemaha ono lodo, ga hano gi taanunga; taanunga laa se haonga i lo te baba, gai e pono i dahi hadu.

John 11:41

Gai hanu ga aau de hadu laa. Gai Iesu ga galo age gi de langi ga hai ange, “Tamana, au e hagaahe adu de abodonu gi de goe, go hiidinga koe e langona donu agu muna.

John 11:43

Gai ga lava huu i dana tala muna laa, gai ia ga oo i de leo mmahi ga hai ange, “Lazarus, sao mai.”

John 17:1

Gai ga lava huu i de tala a Iesu muna nei, gai ia ga galo age gi de langi ga hagadaba, “Tamana, gu dae mai de aoaa; hagamahamaha ina dau Dama Daane, gai ia ga hagamahamaha ai goe.

Acts 9:34

Gai Peter ga hai ange gi de ia, “Aeneas, Iesu Klisdo e hagaieiangi goe, hidi age heedua doo moenga.” Gai taane laa gu hidi age i de masavaa laa donu huu.

Acts 9:40

Aagai Peter ga hai gilaadeu alodahi gi ssao gi duaahaho, gai ia ga duuduli ga dalodalo, gai ia ga huli ange gi de angaanga, ga hai ange, “Tabitha, hidi age.” Aagai de hine laa gu aala luoono mada, gai de masavaa huu aana ne gidee ai Peter gai ia ga noho age gi lunga.

Hebrews 4:15

Go hiidinga taadeu dangada haimeedabu maolunga e lodo aloha mai gi odaadeu mee e baageaa ai, i hiidinga ia gu lava i de hagatale i mee alodahi bei odaadeu dagodo, aagai ia tee haisala donu.