Mark 7:10 - De Beebaa Dabu

¹⁰ Go hiidinga Moses ne hagadaba, ‘Hagadubu ina doo damana ma doo dinana,’ gai ‘Tangada e hagangadi mee ina dono damana aabe go dono dinana e daa donu gi magau.’

Mark 7:10 Iomraidhean Croise

Exodus 20:12

Hagadubu ina doo damana ma doo dinana, gi daulooloa ai doo mouli i honga de henua, a Tagi Maolunga doo Maadua e gaavadu gi de goe.

Exodus 21:17

Be goai e basa hagamalaia ina dono damana aabe go dono dinana, gai ia e daa donu gi magau.

Proverbs 20:20

Tangada e basa baubau i dono damana aabe go dono dinana, dono mouli e bei naa de laama e diinei laa i lo te gohu boo dangodango.

Proverbs 30:17

Tangada e hakadanga i dono damana ma de kino i de hagallongo ange gi dono dinana e naonao ina naa luoono hadu mada i denga raven o de geelonga, ma de gaina i denga vulture.

Leviticus 20:9

Be goai e hagangadi mee ina dono damana be go dono dinana e daa donu gi magau, i hiidinga ia gu hagangadi mee dono damana be go dono dinana; ia e hagaduasala donu.

Matthew 15:4

De Maadua gu hagadaba, ‘Hagadubu ina doo damana ma doo dinana,’ gai ‘Tangada e basa hagangadi mee ina dono damana aabe go dono dinana e daa donu gi magau.’

Mark 10:19

Koe e iloo denga hainga: ‘Aude daia tangada gi magau, aude dagodo haisala, aude gaiaa, aude hagabaubau ina dahi i de muna hadu, aude daahangadia tangada, gai hagadubu ina doo damana ma doo dinana.’ ”

Deuteronomy 27:16

“E malaia tangada e dee hagadubu ina dono damana ma dono dinana.” Gai dangada alodahi gi hai ange, “Amen!”

Deuteronomy 5:16

Hagadubu ina doo damana ma doo dinana, bei de hai a Tagi Maolunga doo Maadua gu tala adu ai gi de goe, gi daulooloa ai doo mouli, ma doo noho baba i honga de henua a Tagi Maolunga doo Maadua e gaavadu gi de goe.