Mark 6:2 - De Beebaa Dabu

² Gai de laangi huu o Sabbath, gai ia ne hano ga agoago i lo te synagogue; gai dangada soa ne langona laa ana agoago gu llele mouli, ga hagataba, “Go hee a taane nei ne kave ai nei mee nei? Gai se heiangi bee hee gu gaavange nei gi de ia? Gai dee hee dana hai ne maua ai nei i de hai denga sauaa hagalele mouli nei?

Mark 6:2 Iomraidhean Croise

Matthew 4:23

Gai Iesu ne hagadaga i Galilee alodahi ga agoago i denga synagogue, ga tala de longo danuaa o de nohoanga hodooligi ma de hagaieiangi denga hagadaagangaa magi ma mee hagabaageaa alodahi i daho dangada.

Matthew 7:28

Gai ga lava huu muna a Iesu, gai dangada soa i kilaa gu llele mouli i ana agoago,

Mark 1:39

Gai Iesu ne hagadaga i Galilee alodahi, ga agoago i denga synagogue ma de hai gi hulo denga hagasaalunga baubau.

Mark 10:1

Iesu ne hano gee hogi i kilaa ga hano gi denga mommee i Judea ma mommee i de baasi laa o Jordan. Gai dangada soa ga hagabuni mai hogi gi ono daha i kilaa, gai ia ga agoago ange gilaadeu bei ana hegau i de laa tubua.

Luke 2:47

Dangada alodahi ne langona ana muna gu llele mouli i dono iloo mee aama ana muna e basa ange ai gi gilaadeu.

Luke 4:15

Gai ia ga agoago i olaadeu synagogue, aagai dangada alodahi gu tuhi ia.

John 6:42

Gilaadeu ne hagataba, “E dee go Iesu tama daane a Joseph deenei, gai gidaadeu e iloo hogi be goai luoono maadua? Gai dee hee dana hai e hagadaba ai nei bolo ia ne hano iho laa i de langi?”

John 7:15

Gai de gau Ssuu gu llele mouli ga hagataba, “Go hee a taane nei ne ago ai nei mee nei, gai ia tee hano i dahi sukulu?”