Mark 5:27 - De Beebaa Dabu

²⁷ Gai ga langona huu e ia dagodo hegau a Iesu, gai ia ga humai gi ono dua i magavaa o dangada soa laa, ga poo ange ono malo.

Mark 5:27 Iomraidhean Croise

2 Kings 13:21

Dahi laangi gai dangada e danu dahi daane. Gai dahi hagabuulingaa daane Moab gu loomai, gai gilaadeu ga tili ange taane laa gi lo te daanunga o Elisha. De masavaa huu o taane magau laa ne doo iho ai gi honga ivi o Elisha, gai ia gu mouli age ga duu gi lunga.

Matthew 14:36

ga dangidangi ange ia gi dugua ange denga magi gi boogia ange de bido o dono malo laa daha. Gai dangada alodahi ne boogia ange ono malo gu ieiangi.

Mark 5:26

Gai gu soa dangada hai magi ne haia dono magi, gu odi hogi ana mee i de hagao ai gilaadeu, gai ia tee ieiangi. Gai dono magi gu kii ange donu de kona.

Mark 5:28

Go hiidinga ia ne hagadaba, “Noo au e poo ange ono malo, gai au e ieiangi donu.”

Mark 6:56

Gai mommee alodahi o Iesu ne hano aagena, go aduhale vaaligiligi ma aduhale nnui, aama mommee i tua de aduhale, gai dangada ne hagadaakodo denga magi i denga mommee hagao mee. Gai gilaadeu ga dangidangi ange ia gi dugua ange denga magi, gi boogia ange de bido o dono malo, gai dangada alodahi ne boogia ange dono malo gu ieiangi.

Acts 19:12

gai dangada ne kave denga hangiseebe ma malo o Paul ga dugu ange gi honga o denga magi, gai gilaadeu gu ieiangi, gai denga hagasaalunga baubau gu ssao ga hulo gee mai i daho dangada.

Acts 5:15

Deelaa ai, dangada gu gaamai de gau mmagi gi gaogao denga haiava ga hagadaakodo ai i honga olaadeu moenga ma honga hagahala, gi hanange ai de ada o Peter gi honga o hanu gilaadeu i de masavaa oona e seesee mai ai laa kilaa.